Software ពិសេសនោះមានឈ្មោះថា BattlEye (ហៅកាត់ថា BE) ដែលបានបង្កើតឡើងតាំងពីឆ្នាំ ២០០៤ នៅប្រទេសអាល្លឺម៉ង់ ដោយបុគ្គលមួយរូបឈ្មោះ Bastian Suter។ ខាងក្រោមនេះជាការរៀបរាប់ត្រួសៗនៃដំណើរការបច្ចេកទេសរបស់ BattlEye ៖
- មានប្រព័ន្ធការពារសកម្មយ៉ាងពេញលេញដែលអាច Block ការ Hack បានច្រើនក្នុងពេលតែមួយ ដោយមិនរំខានដល់អ្នកលេង
- អាចស្កេននូវគណនីនីមួយៗបានលឿនដើម្បីស្វែងរកការលួចបន្លំ
- អាចឆ្លើយតបនឹងភ្ញៀវ (ក្រុមហ៊ុនហ្គេម) បានភ្លាមៗ និងបិទគណនីដែលលួចបន្លំបានភ្លាមៗផងដែរ
- អាចកែប្រែកូដដើម្បី Support នឹងហ្គេមជាច្រើនរបស់ភ្ញៀវ
គួរដឹងថា Software មួយនេះបានបិទគណនីអ្នកលេង PUBG ចំនួន ៦ ពាន់ក្នុងមួយថ្ងៃនៅខែតុលា ឆ្នាំ ២០១៧ និងបានកើនឡើងដល់សរុប ២,៥ លានគណនីនៅដើមឆ្នាំ ២០១៨។ នៅខែធ្នូឆ្នាំ ២០១៧ BattlEye បានបង្ហាញថាការលួចបន្លំ ៩៩% មានប្រភពពីប្រទេសចិន។ក្រៅពីមាន PUBG ជាភ្ញៀវធំមួយហើយ BattlEye ក៏ត្រូវបានប្រើប្រាស់ដោយហ្គេមល្បីៗជាច្រើនទៀតរួម Fortnite, Islands of Nyne, Blackshot និង DayZ ជាដើម៕
![](https://i0.wp.com/cdn.nctc.gov.kh/2019/07/5b97790574073_1536653520_large.jpg?resize=696%2C392&ssl=1)