តុលារការជាន់ខ្ពស់របស់អឺរ៉ុបបាននិយាយថា ម្ចាស់វេបសាយមួយចំនួនដែលកំពុងតែប្រើប្រាស់ប៊ូតុង Like របស់Facebook នឹងប្រឈមមុខនូវបញ្ហាផ្លូវច្បាប់ ដោយសារតែវាជាមូលហេតុដែលធ្វើឲ្យ Facebook អាចតាមដានអ្នកចូលទៅមើលវេបសាយ បើទោះជាគេបានចុច ឬ មិនបានចុចប៊ូតុង Like នោះក៏ដោយ។
ខាងផ្លូវច្បាប់គេមិនបានហាមប្រាម Facebook ឬក៏ក្រុមហ៊ុនផ្សេងៗទៀត (ដែលមាន widget ស្រដៀងគ្នានឹង Facebook)នោះទេ តែពួកគេតែកែតម្រូវចេញខ្លះ។ វេបសាយទាំងអស់ត្រូវតែសួរសិទ្ធពីអ្នកចូលទៅមើលសិន មុនពេលផ្ញើទិន្ន័យទៅFacebookវិញ។ វេបសាយទាំងនោះអាចមិនដាក់សុំសិទ្ធពីអ្នកប្រើប្រាស់ តែត្រូវតែមានការអនុញ្ញាតផ្លូវច្បាប់សិន។
ករណីនេះកើតឡើងដំបូងនៅប្រទេសអាល្លឺម៉ង់ ដោយសារហាងលក់សំលៀបំពាក់មួយឈ្មោះ Fashion ID រងនូវបណ្តឹងមួយដែលផ្ញើទិន្ន័យរបស់ភ្ញៀវទៅកាន់ Facebook។ តុលាការរកឃើញថា ម្ចាស់វេបសាយ Fashion ID មិនមែនជាអ្នកគ្រប់គ្រងទិន្ន័យរបស់ភ្ញៀវទេនៅពេលដែល Facebook យកបានទាំងអស់ តែ Fashion ID ក្លាយជាអ្នកផ្សំគំនិតបញ្ជូនទិន្ន័យភ្ញៀវរបស់ខ្លួនទៅ Facebook ទៅវិញ។ ចំនែកខាង Fashion ID វិញបានបកស្រាយថា ប៊ូតុងLike នេះត្រូវបានដាក់នៅលើវេបសាយក្នុងគោលបំណងឲ្យផលិតផលនេះងាយនឹងឆាប់មើលឃើញពីបណ្តាមិត្តរបស់អ្នកចុចប៊ូតុងនៅលើបណ្តាញសង្គមតែប៉ុណ្ណោះ។ បន្ថែមពីលើនេះទៅទៀត ការប្រមូលទិន្ន័យផ្សេងៗគឺក្នុងគោលបំណងទាញយកប្រយោជន៍ផ្នែកពាណិជ្ជកម្មតែប៉ុណ្ណោះ។
ចំណែកភាគីFacebook បានឆ្លើយតបមកវិញថា Facebook ស្វាគមន៍យ៉ាងកក់ក្តៅដើម្បីបកស្រាយនូវចម្ងល់នានា។ Facebook កំពុងពិនិត្យមើលយ៉ាងម៉ត់នូវការសម្រេចរបស់តុលាការ និងកំពុងធ្វើការយ៉ាងសស្រាក់សស្រាំជាមួយនឹងដៃគូផ្សេងៗដើម្បីឲ្យ plug in របស់ខ្លួននៅតែអាចដំណើរការស្របច្បាប់នៅលើវេបសាយនានា។
សូមបញ្ពាក់ថា Facebook ក៏ទើបតែបានរងពិន័យចំនួន ៥ប៊ីលានដុល្លារអាមេរិច ($៥,០០០,០០០,០០០) ពីរដ្ឋាភិបាលអាមេរិក ពីបទការពារព័ត៌មានផ្ទាល់ខ្លួនរបស់អ្នកប្រើប្រាស់មិនបានផងដែរ។
