សម្រាប់អ្នកតាមដានព័ត៌មានសុវត្ថិភាពបច្ចេកវិទ្យ ប្រាកដជានៅចាំមេរោគកុំព្យូទ័រពីរ គឺ Spectre និង Meltdown ដែលបានឆ្លងរាតត្បាតរាល់កុំព្យូទ័រដែលដំណើរការដោយ CPU Intel នាពេលកន្លងមក។
ថ្មីៗនេះគេបានរកឃើញនូវមេរោគថ្មីមួយផ្សេងទៀត ដែលកំពុងលុកលុយទៅលើកុំព្យូទ័រ ដំណើរការដោយ Windows ហើយប្រើប្រាស់ CPU ផលិតដោយក្រុមហ៊ុន Intel នៅក្រោយឆ្នាំ២០១២។
មេរោគថ្មីនេះឈ្មោះថា SWAPGSAttack ដោយសារតែមេរោគនេះ វាប្រហាលើ SWAPGS instruction (ពពួកឃ្លាបញ្ជា ប្រើនៅលើ CPU)។ ការវាយប្រហារទៅលើផ្នែកនេះ ធ្វើឲ្យ hacker អាចចូលប្រើ និង ទាញយកទិន្ន័យសំខាន់ៗរបស់អ្នកប្រើប្រាស់បានយ៉ាងងាយ។
ពេលដែលគេអាចយកទិន្ន័យបានហើយ គេនឹងប្រើកម្មវិធីមេរោគផ្សេងៗទៀតនៅក្នុង Windows level ហើយផ្ញើទិន្ន័យទាំងអស់នោះចេញបានដោយងាយ។ មេរោគនេះចាប់យកទិន្ន័យដោយវាបង្កើតតំបន់ចងចាំនៅលើ RAM ដូចកម្មវិធីពិតដែលកំពុងប្រើ លុះដល់ពេលចប់ វានឹងបន្សល់ទុកនូវ Cache ដែលអាចទាញយកទិន្ន័យផ្សេងៗបានតាមយៈផ្នែកនេះបាន។
បញ្ហានេះត្រូវបានរាយការណ៍ដោយក្រុមហ៊ុន Bitdefender ហើយក៏បានបញ្ចេញនូវកំណែសុវត្ថិភាពថ្មី ដើម្បីជួសជុលបញ្ហានេះរួចហើយដែរ។ សូមលោកអ្នកដែលកំពុងប្រើប្រាស់កុំព្យូទ័រ ត្រូវ អាប់ដែត កំណែថ្មីរបស់ Windows និង កម្មវិធីប្រឆាំងមេរោគ ឲ្យបានថ្មីជានិច្ច ដើម្បីការពារពីគ្រោះថ្នាក់ទាំងឡាយ។
