ក្រុមហ៊ុនបណ្តាញសង្គម Facebook បានដាក់ពាក្យបណ្តឹងទៅកាន់អ្នកបង្កើតកម្មវិធី២នាក់ ពីបទបន្លំអ្នកប្រើឲ្យចុច លើពាណិជ្ជកម្មរបស់ Facebook នៅលើកម្មវិធីក្នុង Google Playstore។ Facebook បានប្តឹងទៅលើក្រុមហ៊ុនពីរមាន LionMobi មានទីតាំងនៅហុងកុង និងមួយទៀតឈ្មោះ JediMobi មានទីតាំងនៅសាំងកាពួរ។
ក្រុមហ៊ុនFacebook បាននិយាយថា ក្រុមហ៊ុនLionMobi បានយកកម្មវិធី(អត់បានការ) របស់ខ្លួនជាច្រើន ទៅផ្សាយពាណិជ្ជកម្មនៅលើ Facebook ដែលនេះជាការផ្ទុយនឹងបញ្ញាត្តិរបស់ Facebook ផ្ទាល់។
ក្រុមហ៊ុន Facebook បានដាក់ក្រុមហ៊ុនទាំងពីរនេះចូលក្នុងបញ្ជីខ្មៅ ពី ad network និងបានបង្វិលលុយដែលក្រុមហ៊ុនទាំងពីរបានបើកកាលពីខែមីនា ឆ្នាំ២០១៩នេះ ឲ្យទៅកាន់ម្ចាស់ពាណិជ្ជកម្មវិញផងដែរ។ យ៉ាងណាក្តីកម្មវិធីនេះដែលបានតម្លើងរហូតដល់រាប់សិបលាននោះ ក៏មិនទាន់បានលុបចេញពី Google Playstore នៅឡើយ។
