យោងតាមលោក Ming-Chi Kuo ជាអ្នកវិភាគដ៏ល្បីរាល់សកម្មភាពរបស់Apple បានព្យាករណ៍ថា នៅឆ្នាំ២០២១នេះ រាល់ទូរសព្ទ iPhone នឹងដោះសោរបានទាំង មុខ និង ក្រយៅដៃ។
លោកបានបន្តទៀតថា ការប្រើ FaceID គឺដូចទូរស័ព្ទធម្មតាដែលបានចេញរួចហើយ តែពីសម្រាប់ TouchID គឺមានភាពពិសេសត្រង់ទីតាំងរបស់វា គឺស្ថិតនៅក្រុមអេក្រង់តែម្តង ដោយមិនបាច់នៅពីក្រោម នៅពីក្រោមអេក្រង់Home ទៀតឡើយ។
ការទាយទុក២ឆ្នាំនេះ ហាក់ដូចជាវែងឆ្ងាយបន្តិចហើយសម្រាប់ Apple តែក្រឡេកមើលក្រុមហ៊ុនផ្សេងៗនោះ គឺវាហាក់ដូចជាទំនងនឹងសមរម្យដែរ។ សព្វថ្ងៃនេះ បច្ចេកវិទ្យា Scan ក្រយៅដៃក្រោមអេក្រង់នោះ ទើបតែនឹងមាន ដូចនេះការរង់ចាំមើលរបស់ Apple ឲ្យបច្ចេកវិទ្យានេះដើរស្រួល លែងមានបញ្ហាក៏ជាកត្តាមួយគួបផ្សំដែរ។
ចំនុចដែល Apple នឹងត្រូវយកមកពិចារណាមុននឹងដាក់ប្រើ TouchID ថ្មីនេះ គឺត្រូវគិតទៅលើ រឿងស៊ីថាមពលថ្ម ទំហំផ្ទៃស្កេន កម្រាស់នៃឧបករណ៍ កម្រិតផលិតកម្ម… ដែលជារឿងត្រូវប្រើពេល១៨ខែសម្រាប់វិភាគនិងស្រាវជ្រាវ។
