នៅថ្ងៃនេះក្រុមហ៊ុនFacebook បានប្រកាសនូវការំណត់នូវឯកជនភាពថ្មីរលើការឈែតជាក្រុម ដោយកែសម្រួលឲ្យងាយជាងមុន។ កាលពីមុនមានការកំណត់៣ប្រភេទគឺ Public, Closed និង Secret ហើយនៅពេលនេះ នឹងកែសម្រួលមកត្រឹមតែ Public និង Private តែប៉ុណ្ណោះ។
នៅក្នុងការកំណត់ថ្មីនេះ ចំពោះការកំណត់បែបនេះគឺងាយស្រួលកំណត់បិតឬបើកសម្រាប់អ្នកដែលជាមនុស្សមិនមែនសមាជិកក្រុម អាចរកក្រុមឃើញឬមិនឃើញ។ វាធ្វើឲ្យអភិបាលក្រុមអាចគ្រប់គ្រងក្រុមបានកាន់តែងាយស្រួលដោយការកំណត់ច្រើនជាងមុន ចំណែកសមាជិកវិញ ក៏អាចត្រួតពិនិត្យមើលក្រុម និងការជជែកចាស់ៗ មុននឹងទទួលយកចូលជាសមាជិកក្រុមណាមួយដែរ។
ការកំណត់នេះគឺជាផ្នែកមួយនៃ គំនិតផ្តើមសហគមន៍សុវត្ថិភាព(Safe Communities Initiative) ដែលបានចាប់ផ្តើមឡើងកាលពី២ឆ្នាំមុន។ ការបង្កើតនេះឡើង ក្នុងគោលបំណងបញ្ជៀសឲ្យឆ្ងាយពីបញ្ហា រើសអើងជាតិសាសន៍ និងសកម្មភាពហឹង្សានានា។
សម្រាប់ក្រុមដែលកំណត់ពីមុនជា Closed និង Secret នឹងរក្សារទុកឈ្មោះដដែល ហើយនឹងត្រូវកំណត់ជា Private ទាំងអស់តែម្តង។ ក្រុមដែលកំណត់ជា Public នឹងនៅតែកំណត់ដដែល។
Facebook បាននិយាយបន្ថែមទៀតថា នៅឈែតទាំងនោះនឹងត្រូវបានត្រួតពិនិត្យដោយAIនិងMachine Learning មុនពេលដែលមានសមាជិករាយការណ៍ទៅទៀត។ បើសិនជាមានអ្នកណាម្នាក់រាយការណ៍ជា Flagged Content នោះ នឹងត្រូវត្រួតពិនិត្យដោយមនុស្សផ្ទាល់តែម្តង។ ករណីមានបញ្ហាផ្ទុយនឹងគោលការណ៍របស់ Facebook នឹងត្រូវចាត់វិធានការភ្លាមៗផងដែរ។
