កាលពីថ្ងៃអង្គារកន្លងទៅនេះ Microsoft ទើបនឹងបានបញ្ចេញកំណែអាប់ដែត សម្រាប់កំណែកំហុសសុវត្ថិភាពនៅលើ Windows 10 រួចទៅហើយ។ ពេលនេះក្រុមហ៊ុនផលិតSoftwareយក្សមួយនេះបានរកឃើញបន្ថែមទៀត ហើយបញ្ចេញកំណែថ្មីទៀតពិសេសសម្រាប់ អ្នកប្រើប្រាស់កំពុងប្រើ Windows 10, Windows 8.1 និង Windows 7 តែម្តង។
បញ្ហាដែលកើតមាននោះកើតឡើងពីកំណែថ្មីដែលទើបនឹងចេញនៅថ្ងៃទី១៣សីហានេះឯង។ វាបណ្តាលឲ្យម៉ាស៊ីនមួយភាគតូចបានបើកមក គឺងងឹតខ្មៅអេក្រង់តែម្តង បន្ទាប់ពីបើកម៉ាស៊ីនឡើងវិញ ក្រោយតម្លើងកំណែថ្មីហើយ។
កម្មវិធីមួយចំនួនដែលបង្កើតមកពី Visual Basic 6 (VB6) ពពួកMacroក្នុង Visual Basic for Application(VBA) និង Visual Basic Scripting Edition(VBScript) អាចនឹងមិនដំណើរការ ហើយចេញសារមកថា “invalid procedure call error,”។ បញ្ហាទាំងនេះមិនមែនសម្រាប់តែអ្នកប្រើប្រាស់ទូទៅនោះទេ តែអ្នកគ្រប់គ្រងបណ្តាញប្រព័ន្ធ IT នៅតាមបណ្តាក្រុមហ៊ុនតូចធំ ត្រូវតែយល់ដឹង និងស្វែងរកំណែថ្មីផងដែរ។
Windows ដែលជួបបញ្ហាទាំងអសនោះមានដូចជា៖
- Windows 7 និង Windows Server 2008 R2
- Windows 8.1 និង Windows Server 2012 R2
- Windows 10 version 1507
- Windows 10 version 1607 និង Windows Server 2016
- Windows 10 version 1703
- Windows 10 version 1709
- Windows 10 version 1803
- Windows 10 version 1809 និង Windows Server 2019
- Windows 10 version 1903 និង Windows Server 1903
