Bluetooth ជាបច្ចេកឥតខ្សែរមួយដែលមានប្រើប្រាស់ជាយូរមកហើយនៅលើទូរស័ព្ទដៃ និងឧបករណ៍ផ្សេងៗទៀត។ ក្រៅពីចម្លងឯកសារទូទៅ វាត្រូវបានប្រើភ្ជាប់ជាមួយរថយន្តប្រើ GPS កាមេរ៉ា Speaker ដងseflie…។ តាមការរកឃើញថ្មីមួយបានឲ្យដឹងថា ប្រព័ន្ធប្លែងសារ (encryption) របស់ Bluetooth អាចនឹងត្រូវគេបំបែកបាន ហើយគេអាចផ្ញើឯកសារក្លែងបន្លំផ្សេងៗ ក្នុងគោលបំណងគ្រប់គ្រងឧបករណ៍ទាំងមូលតែម្តង។
វិធីបំបែករបស់គឺ គឺមិនមែនធ្វើដោយផ្ទាល់ទៅលើប្រព័ន្ធប្លែងសាររបស់ Bluetooth នោះឡើយ។ Hacker នឹងប្រើវិធីផ្គូផ្គងលេខកូដ(pair device) ដែលធ្វើឲ្យប្រព័ន្ធសុវត្ថិភាពចុះខ្សោយជាងមុន ព្រោះការផ្គូផ្គងលេខកូដគឺប្រើត្រឹមលេខ៤ខ្ទង់តែប៉ុណ្ណោះ ដែលធ្វើឲ្យ hacker ងាយនឹងទាយត្រូវ។
នៅពេលដែលឧបករណ៍ទាំង២ភ្ជាប់គ្នាបានហើយ វានឹងបង្កើតជាប្រព័ន្ធប្លែងសារ (encryption key) ថ្មីសម្រាប់ប្រើ ហើយបើសិនជា hacker នៅចន្លោះការតភ្ជាប់រវាងឧបករណ៍ទាំងពីរនោះ វាងាយណាស់ដែលដែលករណី ឧបករណ៍២ មានសោរតែ១សម្រាប់ចូលទៅប្រើឧបករណ៍មួយទៀត។ នៅពេលដែល hacker អាចជ្រៀតបានហើយ គេអាចបង្កប់ជាវិធីសាស្រ្តផ្សេងៗដើម្បីគ្រប់គ្រងឧបករណ៍ទាំងមូល ឬប្រើវិធីចាស់គម្រិលមួយ (តែបានផល) គឺទាយដោយកម្រោល (brute-force) តែម្តង។
បើទោះជាវិធីសាស្រ្តអាចទៅបានដូចនេះមែន តែវាមិនមែនជាក្តីបារម្ភដល់អ្នកប្រើប្រាស់ Bluetooth ទូទៅនោះឡើយ។ រាល់ប្រតិបត្តិការនីមួយៗខាងលើ វាទាមទារឲ្យ ឧបករណ៍ទាំងពីរនៅក្បែរគ្នា ទើបអាចដំណើរការបាន ដូចនេះ hacker នឹងមិនអាចដំណើរកានេះពីចម្ងាយមើលមិនបាននោះឡើយ។
មកដល់ពេលនេះ គ្មានសញ្ញាណ ឬដំណឹងណាមួយបញ្ជាក់ថា Bluetooth មានបញ្ហាសុវត្ថិភាពនោះឡើយ។ វិធីសាស្ត្រខាងលើគឺរកឃើញហើយក្រុមអ្នកស្រាវជ្រាវនៅឯ USENIX Security Symposium។ ពួកដាក់ឈ្មោះវិធីសាស្រ្តនៅលើ Bluetooth នេះថា KNOB ឬ “Key Negotiation Of Bluetooth.” ។
