ឧក្រិដ្ឋជនបច្ចេកវិទ្យារតែងតែប្រើវិធីប្លែកៗ និងនឹកស្មានមិនដល់ដើម្បីរកចន្លោះប្រហោង ដាក់អន្ទាក់ផ្សេងៗដើម្បីវាយប្រហារជនរងគ្រោះរបស់គេ។ថ្មីនេះមានក្រុម hacker មួយដែលប្រើប្រាស់ វិធីសាស្រ្តបន្លំកាយ ធ្វើការវាយប្រហារជនរងគ្រោះរាប់ពាន់នាក់តាមរយៈវេបសាយ NordVPN។
វិធីសាស្រ្តនេះ មិនមែនពួកគេចូលទៅលុកលុយដោយផ្ទាល់នោះឡើយ គឺក្រុមឧក្រិដ្ឋជនទាំងនោះ បានបង្កើនតវេបសាយមួយយ៉ាងថ្មីស្រឡាងដោយខ្លួនគេដោយយកអ្វីៗគ្រប់យ៉ាង ដូចគ្នាបេះបិទ១០០% តាមក្រុមហ៊ុន NordVPN ដែលជាក្រុមហ៊ុនផ្តល់សេវា VPN (Virtual Private Network)មួយ។ មិនត្រឹមតែគេរចនាវេបសាយដូចគ្នានោះទេ សូម្បីតែ SSL Key ក៏ពួកគេប្រើប្រាស់ដូចគ្នានឹងវេបសាយដើមយ៉ាងឥតខ្ចោះតែម្តង។
ពួកគេបានប្រើប្រាស់ឈ្មោះ nord-vpn[.]club ដើម្បីបញ្ឆោតឲ្យជនរងគ្រោះចូលទៅក្នុងវេបសាយ។ ក្រោយមកពួកបានដាក់បញ្ជូលមេរោគTrojan មួយឈ្មោះថា “Win32.Bolik.2” ចូលក្នុងម៉ាស៊ីនជនរងគ្រោះតែម្តង។ មេរោគប្រភេទនេះអាចធ្វើសកម្មភាពបានច្រើនយ៉ាងដូចជា web injections, traffic intercepts, keylogging និងអ្វីដែលសំខាន់នោះគឺវាអាចលួចទិន្ន័យរបស់ធនាគារចេញពីប្រព័ន្ធផ្សេងៗគ្នាបានទៀតផង។
Thekhmerherald សូមណែនាំឲ្យប្រិយមិត្តទាំង មានការប្រុងប្រយ័ត្នខ្ពស់ចំពោះតំណភ្ជាប់(link) ផ្សេងៗនៅលើបណ្តាញInternet ពិសេសសូមពិនិត្យមើលឈ្មោះវេបសាយឲ្យបានច្បាស់លាស់មុននឹងចុចអ្វីមួយ។ យើងខ្ញុំណែនាំឲ្យលោកអ្នកតម្លើងកម្មវិធី Internet security នៅលើកុំព្យូទ័រ និងUpdateកំណែថ្មីយ៉ាងហោចណាស់ឲ្យបាន១អាទិត្យម្តង ដើម្បីបង្ការហានិភ័យណាមួយកើតឡើង។
