ប្រទេសចិនចង់ឲ្យប្រទេសហ្វីលីពីន បញ្ឈប់រាល់ល្បែងភ្នាល់នៅលើ Internet ទាំងអស់ បន្ទាប់ពីរកឃើញថា ល្បែងភ្នាល់ទាំងនោះជាប្រភពលាងលុយកខ្វក់ទៅក្រៅប្រទេស។
សព្វថ្ងៃនេះប្រទេសចិនបានកោតសរសើរដល់ហ្វីលីពីនដែលបានផ្អាកការផ្តល់អាជ្ញាបណ្ណដល់ការចុះបញ្ជីថ្មីៗបន្ថែម។ អ្នកនាំពាក្យក្រសួងការបរទេសចិន លោក កេង ស័ង (Geng Shuang)បានថ្លែងថា “យើងសង្ឃឹមថា ប្រទេសហ្វីលីពីននឹងឈានមួយជំហ៊ានទៀតហើយបិទរាល់ល្បែងភ្នាល់Onlineទាំងអស់តែម្តង” នេះបើតាមយោងតាមសម្រង់សំដីកាលពីថ្ងៃទី២០សីហានេះ។
សេចក្តីអធិប្បាយចុងក្រោយនេះគឺជាការបង្ហាញយ៉ាងថ្មីបំផុតថា ចិនកំពុងតែដាក់សម្ពាធទៅលើបណ្តាប្រទេសនៅអាស៊ីអាគ្នេយ៍ នៅក្នុងកិច្ចខិតខំប្រឹងប្រែងលុបបំបាត់ចោលល្បែងភ្នាល់នៅលើOnline ដែលជាមូលហេតុសំខាន់មួយធ្វើឲ្យលុយកខ្វក់រាប់រយលានយ័ន ហូរចេញពីសេដ្ឋកិច្ចចិន។ ល្បែងភ្នែលតាមOnline ទាំងនេះកំពុងរីកសុះសាយយ៉ាងខ្លាំងនៅតាមបណ្តាប្រទេសផ្សេងៗដូចជាហ្វីលីពីន និងកម្ពុជាផងដែរ ដោយសារតែកំណើនអ្នកលេងល្បែងនៅប្រទេសចិនមានការកើនឡើងខ្ពស់។
និយ័តករលើវិស័យល្បែងរបស់ហ្វីលីពីនថ្លែងកាលពីថ្ងៃចន្ទនេះថា បនល្បែងonlineដែលមានស្រាប់មានបញ្ហាអ្វីនោះឡើយ តែសម្រាប់ការចុះឈ្មោះអាជ្ញាបណ្ណថ្មីគឺត្រូវបានផ្អាករហូតដល់ចុងឆ្នាំនេះ ទើបពិនិត្យម្តងទៀតសម្រាប់ការបើកថ្មី។ ចំនែកនៅកម្ពុជាវិញគឺបានផ្អាកការចុះឈ្មោះដែរ ហើយបនល្បែងដែលបានចុះឈ្មោះបើកហើយ អាចបន្តដំណើរទៀតបានរហូតដល់អស់សុពលភាពអាជ្ញាបណ្ណ តែមិនអាចពន្យាអាជ្ញាបណ្ណបានបន្តទៀតឡើយ។
