សម្រាប់ប្រិយមិត្តរបស់ Apple ពិតជាទន្ទឹងរង់ចាំមើលថ្ងៃដែលក្រុមហ៊ុនបច្ចេកវិទ្យាមួយនេះ នឹងនាំអ្វីប្លែកទៀតនៅឆ្នាំនេះ ពិសេសគឺ iPhone ជំនាន់ចុងក្រោយនេះតែម្តង។
មិនខុសពីឆ្នាំមុនៗនោះឡើយ ក្រុមហ៊ុនAppleតែងតែប្រកាសនូវផលិតផល និងសេវាកម្មថ្មីៗរបស់ខ្លួននៅឯមហោស្រពស្ទីវចប នៃឧទ្យានApple ក្នុងក្រុង Cupertino រដ្ឋCalifornia សហរដ្ឋអាមេរិក។ តើមានផលិតផលនិងសេវាអ្វីខ្លះដែល Apple នឹងបង្ហាញក្នុងព្រឹត្តិការណ៍ឈ្មោះ ‘By innovation only’ នេះ?
iPhone 11(Pro)
ជាម៉ូដែលទូរស័ព្ទចុងក្រោយបំផុតរបស់Appleដែលមនុស្សទូទាំងពិភពលោកទន្ទឹងរង់ចាំ។ តាមព័ត៌មានផ្សេងៗបានរាយការណ៍ថា វានឹងមានការមេរ៉ា៣គ្រាប់។ ទូរស័ព្ទiPhoneនឹងមាន១ម៉ូដែលប្រើអេក្រង់ LCDធម្មតា ហើយ២ម៉ូដែលទៀតនឹងប្រើអេក្រង់ OLED ដែលមានតម្លៃថ្លៃជាង។ ប្រព័ន្ធកាមេរ៉ានឹងមានបង្កើនគុណភាពកាន់តែប្រសើរចំពោះទូរស័ព្ទថ្លៃជាងគេ ហើយទូរស័ព្ទ ដែលមានតម្លៃធូថ្លៃជាងនេះក៏មានកាមេរ៉ា២ដែរ។
Apple Watch (ជាការរំពឹងទុក)
Apple ជំនាន់ថ្មីអាចនឹងមានសម្បកសេរ៉ាមិក ឬលោហTitanium។ មិនទាន់ច្បាស់ថាតើ Appleនឹងបញ្ចេញនូវម៉ូដែលថ្មីគឺ Apple Watch 5 ឬនៅតែបន្តឡើងម៉ូដែលមុនគឺ Apple Watch 4នោះទេ។
Macbook Pro 16?
មានព័ត៌មានថា Apple បានរចនាសាឡើងវិញនូវ Macbook Pro ដោយទំហំអេក្រង់១៦អ៊ីងដោយមានក្តាចុចកាន់តែងាយស្រួលប្រើប្រាស់ជាងមុន។ កាលពីឆ្នាំមុនៗ Apple បានផ្តាច់គ្នានៃការប្រកាសផ្សាយ iPhone, Apple Watch និង Macbook ដាច់ដោយឡែកពីគ្នា ដូចនេះនៅឆ្នាំនេះ យើងនឹងរង់ចាំមើលបន្ថែម។
iPadម៉ូដែលថ្មី
ម៉ូដែលចុងក្រោយរបស់iPadសព្វថ្ងៃគឺមាន iPad Mini 5, iPad Air 3 និងiPad Proមានទំហំ២ផ្សេងគ្នាទៀតដូចនេះ iPad ថ្មីនេះអាចនឹងមានទំហំអេក្រង់ ១០,២អ៊ីង។ iPadថ្មីនេះអាចនឹងមានប្រព័ន្ធកាមេរ៉ាស្រដៀងគ្នានឹង iPhone11ដែរ។
កម្មវិធីនិងសេវាកម្មផ្សេងៗ
ក្រៅពីឧបករណ៍ហើយ អ្វីដែលជាបេះដូងរបស់ឧបករណ៍ទាំងនោះគឺប្រព័ន្ធប្រតិបត្តិការ និងសេវាកម្មបន្ថែមថ្មីៗទៀតដូចជា iOS 13, iPadOS 13, tvOS 13, watchOS 6 និង macOS Catalina។ ក្រៅពីនោះមានសេវាថ្មីគឺ Apple Arcade និង Apple TV+។
