Volocopter 2X បានក្លាយឈ្មោះជាតាក់ស៊ីលើអាកាសដំបូងបង្អស់ដែលបានចុះចតដោយជោគជ័យនៅឯអាកាសយានដ្ឋានអន្តរជាតិ Helsinki របស់ប្រទេសហ្វាំងឡង់។ យានគ្មានមនុស្សបើកមួយនេះ ក៏បានហោះមកចុះចតលើគន្លងទីតាំងដូចយន្តហោះដឹកអ្នកដំណើរផ្សេងឯទៀតផងដែរ។
ការសាកល្បងនេះធ្វើឡើងក្នុងគោលបំណងចង់បង្ហាញពីសមិទ្ធផលរបស់ក្រុមហ៊ុន Volocopter ជុំវិញដំណើរការប្រព័ន្ធចរាចរណ៍ផ្លូវអាកាស ATM និង UTM ពោលគឺចង់បញ្ជាក់ច្បាស់ថាត្បិតតាក់ស៊ីលើអាកាសមួយនេះគ្មានអ្នកបើក ក៏វានៅតែអាចហោះឆ្លងកាត់ទីក្រុងនានា ឬសូម្បីតែក្នុងតំបន់ដែលមានបរិយាកាសមិនសូវល្អ។
បញ្ជាក់ថាក្រៅពី Volocopter 2X ខាងក្រុមហ៊ុនអាល្លឺម៉ង់ខាងលើក៏ទើបតែប្រកាសផ្សាយនូវ VoloCity ដែលជាប្រភេទរថយន្តហោះលើអាកាស អាចដឹកអ្នកដំណើរបាន ២ នាក់និងមានល្បឿនរហូតដល់ទៅ ១១០ គ.ម/ម៉៕
