មនុស្សម្នាក់បានបាត់ខ្លួននៅឆ្នាំ១៩៩៧ ហើយទើបតែបានដោះស្រាយនូវរឿងក្តីមួយនេះនៅឆ្នាំ២០១៩នេះ ដោយសារតែ Google Map។
ពេលដែលគេបើមើល Google ក្នុងទំរង់ជារូបភាពផ្កាយរណបនោះ អ្នកប្រើប្រាស់ក៏បានប្រទះឃើញនូវរូបភាពរថយន្តមួយក្នុងស្រះនៃក្រុងវែលីងតុន រដ្ឋកាលីហ្វ័រញារ។ ក្រោយពេលដែលគេស្រង់ឡាននោះមកលើគោកវិញ គេក៏សង្កេតឃើញមានសាកសពមនុស្សម្នាក់នៅក្នុងរថយន្តនោះ។
ត្រលប់ទៅកាន់ថ្ងៃទី០៧ ខែវិច្ឆិការ ឆ្នាំ១៩៩៧វិញ បុរសម្នាក់អាយុ៤០ឆ្នាំ ឈ្មោះ វីល្លីម ម៉ូលដ៍នៃរដ្ឋផ្លរីដាបានរាយករាណ៍ថាបាត់ខ្លួន។ កាលនោះគាត់បានទូរស័ព្ទ ប្រាប់មិត្តស្រីរបស់គាត់ថា គាត់កំពុងនៅតាមផ្លូវទៅផ្ទះវិញក្រោយចេញពីក្លិបរាត្រី ហើយក្រោយមកក៏បាត់គាត់ស្ងាត់រហូតទៅ។
២២ឆ្នាំក្រោយមក នៅថ្ងៃទី០៨ សីហា ២០១៩នេះ អ្នកជិតខាងរបស់លោក ប៊ែរី ហ្វេ បានប្រាប់លោកប៊ែរីថា មានឡានមួយគ្រឿងនៅក្នុងស្រះក្រោយផ្ទះរបស់គាត់តាមគាត់មើលក្នុងរូបភាពផ្កាយរណបរបស់Google Map ហើយក្រោយមកគាត់យកយន្តហោះដ្រូនទៅថតមើល។
ក្រោយពីពិនិត្យរូបហើយ គាត់ក៏ហៅម្ចាស់ផ្ទះមុននោះមកជួយមើលថាមានស្គាល់ឡាននោះទេ។ ក្រោយមកម្ចាស់ផ្ទះស្រីនោះក៏រន្ធត់ចិត្តជាខ្លាំង ដោយគាត់ស្គាល់ថា ឡាននោះជារបស់អតីតមិត្តប្រុសរបស់គាត់ដែលបានបាត់ខ្លួនកាលពី២២ឆ្នាំមុនដោយមិនដឹងមូលហេតុ។
ក្រោយពីការធ្វើកោសល្យវិនិច្ឆ័យរបស់ប៉ូលីសមក គឺក៏កំណត់អត្តសញ្ញាណសពគឺពិតជាឈ្មោះ វីល្លីម ម៉ូលដ៍ មែននៅថ្ងៃទី១០កញ្ញា។
Google Map គឺជាកម្មវិធីផែនទីអេឡិតត្រូវនិចរបស់ Google ដែលផ្តល់ជូននូវរូបភាពថតចេញពីផ្កាយរណបសម្រាប់មើលរូបភាពពិតប្រាកដនៃទីតាំងណាមួយ បន្ថែមពីការមើលផ្លូវ និងស្វែងរកទីទាំងណាមួយពាសពេញពិភពលោក។
