ក្រុមហ៊ុនApple បានចេញប្រកាសមួយជូនអ្នកប្រើប្រាស់ iPhone5ទាំងអស់ ឲ្យតំលើងកំណែ iOSថ្មីជាបន្ទាន់ បើមិនដូចច្នេះទេ កម្មវិធីធំៗមួយចំនួននឹងផ្អាកលែងដំណើការតែម្តង។
បណ្តាiPhone5និងបណ្តាទូរស័ព្ទផ្សេងទៀតដែលចេញចាប់ឆ្នាំ២០១២ចុះទៅទាំងអស់ នឹងទទួលបានសារមួយនៅថ្ងៃកណ្តាលអាធាត្រថ្ងៃទី២វិច្ចិកានេះហើយ។ រាល់អ្នកប្រើប្រាស់សេរ៊ីចាស់ទាំងអស់នឹងត្រូវឡើងកំណែ iOS ថ្មីដោយសារតែបញ្ហាសុក្រិតភាពទីតាំងរបស់ GPS មានបញ្ហា និងកម្មវិធីមួយចំនួនដែលប្រើប្រាស់ម៉ោងពេលដូចជា AppStore, iCloud, email, និង Web browser ក៏ជួបបញ្ហាដែលត្រូវតែតំលើងកំណែiOSជាបន្ទាន់។
អ្នកប្រើប្រាស់កំណែចាស់ទាំងអស់ត្រូវតែឡើងទៅ iOS 10.3.4 ដោយខានមិនបាន ហើយសម្រាប់អ្នកដែលនៅតែមិនអនុវត្ត នឹងត្រូវប្រើប្រាស់ម៉ាស៊ីនកុំព្យូទ័រដើម្បីឡើងកំណែថ្មី។ បើសិនជាលោកមិនមានចំណេះដឹងច្រើន អាចរកជាងទូរស័ព្ទនៅក្បែរលោកអ្នកជិតបំផុតដើម្បីបានជំនួយមុននឹងទូរស័ព្ទប្រើលែងបានតែម្តង។
