នៅថ្ងៃពុធនេះ សមាជិកសភាអាមេរិក២រូបគឺលោក Chuck Schumer និង Tom Cotton បានអំពាវនាវឲ្យមានការស៊ើបអង្កេតទៅលើកម្មវិធីវីដេអូកំពុងពេញនិយមឈ្មោះ TikTok ដោយកម្មវិធីដែលបង្កើតឡើងដោយចិននោះ អាចនឹងបង្ករឲ្យមានបញ្ហាសុវត្ថិភាពជាតិ។
នៅក្នុងលិខិតដែលសមាជិកសភាពផ្ញើជូនទៅនាយកស៊ើបការជាតិអាមេរិកបានផ្តោតទៅលើការប្រមូលទិន្ន័យផ្សេងៗរបស់កម្មវិធី TikTokពីអ្នកប្រើប្រាស់ និងព័ត៌មានផ្សេងៗទៀតដែលចិនបើកឲ្យអ្នកប្រើប្រា់សអាមេរិកមើលឃើញបាន។ លិខិតបានបន្ថែមទៀតថា កម្មវិធីTikTokអាចជាវិធីសាស្រ្តមួយដែលបរទសប្រើប្រាស់ពង្រីកឥទ្ធិពលរបស់ខ្លួនតាមរយៈការបង្ហាញនៅក្នុងវីដេអូនីមួយៗ។
លោកមន្ត្រីសភាបានដាក់សំណើរនេះដោយលោកមានក្តីសង្ស័យថា រដ្ឋាភិបាលចិនប្រើប្រាស់កម្មវិធី TikTok ដើម្បីបម្រើក្នុងការតាមដានផ្នែកនយោយបាយ។ លោកបញ្ជាក់ថា សព្វថ្ងៃនេះមានអ្នកប្រើប្រាស់កម្មវិធី TikTok នៅអាមេរិកមានចំនួនការទាញយកកម្មវធីចំនួន១១០លានដង ដែលចំនួននេះគួតែគិតគូឡើងវិញពីបញ្ហាទាក់ទងនឹងសុវត្ថិភាពជាតិ។
ការស្នើឲ្យមានការស៊ើបអង្កេតនេះធ្វើឡើងបន្ទាប់ពីកម្មវិធីនេះមានបញ្ហារឿងប្រមូលទិន្ន័យទីតាំងអ្នកប្រើប្រាស់និងព័ត៌មានផ្ទាល់ខ្លួនសំខាន់ៗផ្សេងទៀត។ ក្រុមហ៊ុនTikTok បាននិយាយថា ទិន្ន័យអ្នកប្រើប្រាស់នៅអាមេរិកទាំងអស់គឺរក្សាទុកនៅក្នុងប្រទេសអាមេរិកតែប៉ុណ្ណោះ តែសមាជិកសភាបានរកឃើញថា ក្រុមហ៊ុន ByteDance គឺស្ថិតនៅក្រោមច្បាប់គ្រប់គ្រងរបស់ប្រទេសចិនផងដែរ។
ក្រុមហ៊ុនTikTok បានបកស្រាយថា ប្រទេសចិនមិនមានសិទ្ធអ្វីនៅលើកម្មវិធីដែលមាននោះឡើយ ដោយសារតែកម្មវិធីសព្វថ្ងៃនេះមិនបានដំណើរការនៅក្នុងប្រទេសចិននោះទេ។ រដ្ឋាភិបាលចិនក៏មិនដែលធ្លាប់ធ្វើសំណើរយកទិន្ន័យអ្វីពីTikTokនោះដែរ។
