ប្រទេសឥណ្ឌូនេស៊ីបានបញ្ជាឱ្យមានការពង្រាយកំលាំងទាហាន និងប៉ូលិសចំនួនរាប់សែននាក់នៅថ្ងៃអង្គារ ដើម្បីអនុវត្តច្បាប់ស្តីពីការពាក់របាំងមុខ និងរក្សាចម្ងាយពីគ្នា។ ចំណាត់ការនេះធ្វើឡើងក្រោយពីមានសេចក្តីរាយការណ៍ថា ប្រជាជននៅក្នុងប្រទេសពុំបានអនុវត្តច្បាប់។ប្រទេសឥណ្ឌូនេស៊ីជាប្រទេសដែលមានប្រជាជនច្រើនបំផុតទី០៤ក្នុងពិភពលោក។
ភ្នាក់ងារសារព័ត៌មានដកស្រង់សម្តីមេបញ្ជាការយោធាឥណ្ឌូនេស៊ីលោក Hadi Tjahjanto ថា ចាប់ពីថ្ងៃអង្គារនេះ មានមន្ត្រីប្រហែលចំនួន៣៤០,០០០នាក់នឹងត្រូវបានដាក់ពង្រាយនៅ ទូទាំងខេត្តចំនួន០៤ ដើម្បីធានាថា ប្រទេសឥណ្ឌូនេស៊ីអាចផ្លាស់ប្តូរឈានទៅរកស្ថានភាពធម្មតាសារជាថ្មី។
លោក Hadi មានប្រសាសន៍ថា “យើងនឹងតាមដានប្រជាជានដើម្បីឱ្យប្រាកដថា ប្រជាជនទាំងអស់ពាក់ម៉ាស និងរក្សាគម្លាតសុវត្ថិភាពពីគ្នា។ អ្វីដែលយើងចង់បានគឺថាប្រជាជនអាចធ្វើសកម្មភាពរបស់ពួកគេបានជាធម្មតា ហើយក្នុងពេលតែមួយពួកគេមានសុវត្ថិភាពពីជំងឺឆ្លងកូវីដ១”
មន្ត្រីនឹងត្រូវបានដាក់ពង្រាយនៅតាមដងផ្លូវ ផ្សារ និងទីតាំងផ្សេងទៀតនៅក្នុងខេត្ត Jakarta នៅភាគខាងលិចខេត្តJava ខេត្ត Gorontalo និងភាគខាងលិចខេត្ត Sumatra៕
ប្រភពព័ត៌មាន RT ផ្សាយថ្ងៃទី២៦ ខែឧសភា ឆ្នាំ២០២០
