យ៉ាងហោចណាស់កម្លាំងប្រយុទ្ធម្នាក់នៃកងកំលាំងប្រជាធិបតេយ្យស៊ីរីដឹកនាំដោយជនជាតិឃឺដ (SDF) ត្រូវបានសម្លាប់នៅខេត្តភាគខាងកើត Dei ez-Zor ប្រទេសស៊ីរី ខណៈម្នាក់ទៀតរងរបួស។
ក្រុមអ្នកឃ្លាំមើលសិទិ្ធមនុស្សប្រចាំនៅក្នុងប្រទេសស៊ីរីបានដកស្រង់សម្តីសកម្មជនរបស់ខ្លួនដោយនិយាយថាអ្នកប្រយុទ្ធនៃកងកំលាំងប្រជាធិបតេយ្យស៊ីរីទាំងពីរនាក់កំពុងតែហែលទឹកនៅក្នុងទន្លេ Euphrates មុនពេលខ្មាន់កាំភ្លើងមិនស្គាល់អត្តសញ្ញាណមួយក្រុមបានបើកការបាញ់ប្រហារមកលើពួកគេ។
ចំណែកឯក្រុមអ្នកឃ្លាំមើលដែលមានមូលដ្ឋាននៅចក្រភពអង់គ្លេសបានពន្យល់ថាបុរសពាក់ម៉ាស់មុខ២នាក់បានបើកម៉ូតូបាញ់ប្រហារមកលើពួកគេ ខណៈពេលពួកគេកំពុងហែលទឹកនៅក្នុងទន្លេ Euphrates។
គួររំលឹកថាយោងតាមក្រុមអ្នកឃ្លាំមើលសិទិ្ធមនុស្សប្រចាំនៅក្នុងប្រទេសស៊ីរីបានឱ្យដឹងថាចំនួនអ្នកប្រយុទ្ធ ជនស៊ីវិល កម្មករប្រេង និងមន្ត្រីដែលបម្រើការនៅក្នុងភ្នាក់ងារសេវាកម្មត្រូវបានគេសម្លាប់នៅក្នុងខេត្តចំនួន៤ ដូចជាខេត្ត Aleppo ខេត្ត Deir ez-Zor ខេត្ត Raqqa និងខេត្ត al-Hasakah ហើយរួមបន្ថែមពីលើតំបន់ Manbij ដែលស្ថិតនៅក្នុងខេត្ត Aleppo ដែលគ្រប់គ្រងដោយកងកំលាំងប្រជាធិបតេយ្យស៊ីរីកើនឡើងដល់៥១៣នាក់៕
ប្រភពព័ត៌មានពី baghdadpost ចេញផ្សាយថ្ងៃទី ៣១ ខែឧសភា ឆ្នាំ២០២០
