ទីក្រុងម៉ានីលដកចេញនូវការបិទប្រទេសនៅថ្ងៃច័ន្ទនេះ បើទោះបីជាចំនួននៃការឆ្លងថ្មីកើនឡើងក៏ដោយ ។
ទីភ្នាក់ងារសារព័ត៌មាន AFP រាយការណ៍ថាផ្លូវនានាក្នុងរដ្ឋធានីត្រូវបានស្ទះដោយចរាចរណ៍ ហើយការដឹកជញ្ជូនសាធារណៈ ចាប់ផ្តើមឡើងវិញនៅក្នុងទីក្រុងដែលមានមនុស្ស ១២ លាននាក់នេះ បន្ទាប់ពីការដាក់ឲ្យនៅដាច់ដោយឡែកនៅក្នុងផ្ទះអស់រយៈពេលជិត ៣ ខែ។
អាជីវកម្មភាគច្រើនត្រូវបានអនុញ្ញាតឱ្យបើកដំណើរការឡើងវិញនៅក្នុងទីក្រុងនេះ ខណៈពេលដែលប្រទេសហ្វីលីពីនព្យាយាមជួសជុលសេដ្ឋកិច្ចដែលខូចខាតយ៉ាងធ្ងន់ធ្ងរនោះ។ ទោះយ៉ាងណាក៏ដោយសាលារៀន បារ និងភោជនីយដ្ឋានអាហារពេលល្ងាចទាំងអស់នៅតែត្រូវបានបិទទ្វារ។
រហូតមកដល់ពេលនេះប្រទេសហ្វីលីពីនបានរាយការណ៍ថាវាមានករណីឆ្លងចំនួន ១៨,៦៣៨ ករណីនិងមានអ្នកស្លាប់ចំនួន ៩៦០ នាក់ ហើយវាមានការកើនឡើងប្រហែល ៣០ ភាគរយនៅក្នុងករណីថ្មីៗនៅក្នុងសប្តាហ៍កន្លងទៅនេះ៕
ប្រភព RT ចុះផ្សាយថ្ងៃទី ១ ខែមិថុនា ឆ្នាំ ២០២០
