អ្នកបំផ្ទុះគ្រាប់បែកអត្តឃាតម្នាក់បានវាយប្រហារនៅវិហារអ៊ីស្លាមមួយនៅច្រកចូលតំបន់អន្ដរជាតិក្នុងរដ្ឋធានីអាហ្វហ្គានីស្ថាន។ ហេតុការណ៍នេះកើតឡើងអំឡុងពេលអធិស្ឋានរបស់អ៊ីស្លាមនៅពេលល្ងាច ដែលបានសម្លាប់មនុស្សម្នាក់ និងបណ្តាលឱ្យមនុស្សរងរបួសយ៉ាងហោចណាស់ចំនួនបីនាក់។
អ្នកនាំពាក្យក្រសួងមហាផ្ទៃលោក Tariq Arian បានបញ្ជាក់ថា អ្នកវាយប្រហារបានបំផ្ទុះខ្លួនឯងនៅខាងក្នុងបន្ទប់ទឹកមួយនៅវិហារអ៊ីស្លាម Wazir Akbar Khan ដែលមានទីតាំងនៅកណ្តាលស្រុក បន្ទាប់មកទៀតបំផ្ទុះនៅតំបន់ Green Zone។
តំបន់ Green Zone ជាការិយាល័យអន្តរជាតិរបស់អ្នកសារព័ត៌មាន និងអ្នកការទូត ដោយហេតុការណ៍ណ៍ផ្ទុះនោះកើតឡើងនៅម៉ោងប្រហែល៧និង២៥នាទីយប់ម៉ោងក្នុងស្រុកថ្ងៃអង្គារ។ មេដឹកនាំវិហារលោក Mohammad Ayaz Niazi ស្លាប់នៅក្នុងហេតុការណ៍នោះ៕
ប្រភពព័ត៌មាន RT ផ្សាយថ្ងៃទី០២ ខែឧសភា ឆ្នាំ២០២០
