លោកប្រធានាធិបតីអាមេរិក ដូណាល់ ត្រាំ បានប្រកាសពីការដាក់ពង្រាយកងទ័ពប្រដាប់ដោយអាវុធធុនធ្ងន់ និងប៉ូលិសរាប់ពាន់នាក់ ដើម្បីទប់ស្កាត់បាតុកម្ម។
ក្រុមបាតុករបាននាំគ្នាតវ៉ានៅក្នុងរដ្ឋធានីវ៉ាស៊ីនតោន និងនៅតាមតំបន់ជាច្រើនទៀត ក្នុងនោះអគារ និងហាងទំនិញជាច្រើនរងការបំផ្លិចបំផ្លាញ ជាពិសេសគឺនៅក្បែរសេតវិមាន។
មកដល់ពេលនេះ ប៉ូលិស បានបាញ់ឧស្ម័នបង្ហូរបង្ហូរទឹកភ្នែកបំបែកហ្វូងបាតុករ នៅតាមដងផ្លូវ នៅក្បែរសេតវិមានតែម្ដង ប៉ុន្តែសភាពការណ៍ចេះតែធ្ងន់ធ្ងរទៅៗ ជាហេតុនាំអោយ លោក ត្រាំ សម្រេចចិត្តបញ្ជូនកងទ័ពប្រដាប់អាវុធធុនធ្ងន់រាប់ពាន់នាក់, រួមទាំងយោធា និងកងកម្លាំង រក្សាសណ្ដាប់ធ្នាប់ ដើម្បីបញ្ឈប់កុបកម្ម, ការបំផ្លិចបំផ្លាញទ្រពសម្បត្តិ និងការវាយប្រហារលើអ្នកមិនដឹងអី។
គួរបញ្ជាក់ថា ការផ្ទុះចលាចលស្ទើរតែនៅពាសពេញប្រទេសនេះ បានកើតឡើងក្រោយការស្លាប់របស់ពលរដ្ឋស្បែកខ្មៅអាមេរិក លោក George Floyd នៅទីក្រុង Minneapolis នៃរដ្ឋ Minnesota កាលពីសប្តាហ៍ កន្លងទៅ ដោយសារតែប៉ូលិសបានគៀបសង្កក់-ក រហូតដល់ស្លាប់៕
