មនុស្ស​ប្រមាណ ៤០នាក់​បាន​រងរបួស​ដោ​យ​សារ​ការចាក់សម្លាប់​នៅ​សា​លាប​ថម​សិក្សា​ក្នុងប្រទេស​ចិន

បុគ្គលិក​សន្តិសុខ​វ័យ​ចំណាស់​ម្នាក់​ក្នុង​សាលា​បថ​មសិ​ក្សា Wangfu Town Central នៅ​ប្រទេស​ចិន​បាន​ចាក់​បុគ្គលិក​ផ្សេងទៀត និង​សិស្សសាលា​បណ្តាលឱ្យ​មនុស្ស​ចំនួន ៤០នាក់​រងរបួស។

បុគ្គលិក​សន្តិសុខ​លោក Li Xiaomin មាន​អាយុ ៥០ឆ្នាំ​នៅ​សាលា​បថ​មសិ​ក្សា Wangfu Town Central នៅក្នុង​ប្រទេស​ចិន បាន​ចាក់​បុគ្គលិក​ផ្សេងទៀត និង​សិស្សសាលា​បណ្តាលឱ្យមាន​អ្នករងរបួស​ចំនួន ៤០នាក់ ក្នុងនោះ​អ្នករងរបួស​ភាគច្រើន​ជា​សិស្សសាលា។

ហេតុការណ៍​នេះ​បានកើត​ឡើង​នៅ​ថ្ងៃ​ព្រហស្បតិ៍ ម៉ោង៨និង៣០នាទី​ព្រឹក (ម៉ោង​ក្នុងប្រទេស​ចិន)ក្នុង​សាលា​បថ​មសិ​ក្សា​នៅ​ទីក្រុង Wuzhou ក្នុង​ខេត្ត Guanxi ភាគខាងត្បូង​ប្រទេស​ចិន។

ក្រោយពេល​កើតហេតុ សិស្ស និង​បុគ្គលិក​រងរបួស​ចំនួន៤០នាក់​ត្រូវបាន​បញ្ជូន​ទៅកាន់​មន្ទីរពេទ្យ។ ក្នុងចំណោម​ជនរងគ្រោះ​មាន​សិស្ស​ម្នាក់ នាយក​សាលា និង​សន្តិសុខ​ម្នាក់ បាន​រងរបួស​ធ្ងន់ធ្ង​រ​ជាងគេ។

សាលារៀន​បថ​មសិ​ក្សា Wangfu Town Central មាន​ទីតាំង​ស្ថិតនៅ​ចម្ងាយ​តែ ១០០ម៉ែត្រ​ពី​ប៉ុស្តិ៍​ប៉ូលិស​មួយ​ប៉ុណ្ណោះ ដូច្នេះ​ក្រោយពី​បាន​ដំណឹង​នេះ ប៉ូលិស​បាន​ទៅដល់​កន្លែងកើតហេតុភ្លាម។

លោក Li Xiaomin ត្រូវបាន​ប៉ូលិស​ឃុំខ្លួន ហើយ​រហូតមក​ដល់ពេលនេះ ពុំទាន់​មាន​របាយការណ៍​ណាមួយ​បញ្ជាក់​ពី​គោលបំណង​របស់លោក Li Xiaomin នោះទេ៕

បកប្រែដោយ៖ លក្ខិណា

ប្រភពព័ត៌មាន RT ផ្សាយ​ថ្ងៃទី០៤ ខែមិថុនា ឆ្នាំ២០២០