ស្នងការកិច្ចការផ្ទៃក្នុងសហភាពអឺរ៉ុបលោក Ylva Johansson និយាយកាលពីថ្ងៃសុក្រថាអឺរ៉ុបនឹងបើកអោយមានតំបន់ធ្វើដំណើររបស់ខ្លួន និងការដំណើរការម្តងទៀតនៅចុងខែនេះ។
បណ្តាប្រទេសនៅក្នុងតំបន់ Schengen ដែលមាន ២៦ ប្រទេសដាក់កម្រិតទៅលើព្រំដែនដោយមិនពិគ្រោះជាមួយប្រទេសជិតខាងរបស់ពួកគេបន្ទាប់ពីការឆ្លងកូរ៉ូណាវីរុសនេះនៅក្នុងប្រទេសអ៊ីតាលីកាលពីខែកុម្ភៈ។ ការផ្លាស់ប្តូរទាំងនេះបណ្តាលឱ្យមានការកកស្ទះចរាចរណ៍ និងរារាំងក្នុងការបញ្ជូនវេជ្ជសាស្ត្រផងដែរ។
លោក Johansson ប្រាប់ក្រុមអ្នកកាសែតបន្ទាប់ពីសន្និសីទកាសែតថា“ ខ្ញុំជឿជាក់ថាខ្ញុំនឹងវិលត្រឡប់ទៅរកការបំពេញការងារពេញលេញវិញនៅតំបន់ Schengen និងសេរីភាពក្នុងការធ្វើដំណើររបស់ពលរដ្ឋមិនឲ្យយឺតជាងចុងខែមិថុនាឡើយ” ។
មជ្ឈមណ្ឌលការពារនិងគ្រប់គ្រងជំងឺអឺរ៉ុបជឿជាក់ថាការបង្ខាំង និងវិធានការសុខភាពផ្សេងទៀតកំពុងដំណើរការ។ ទីភ្នាក់ងារព័ត៌មាន AP ដកស្រង់សំដីរបស់លោក Johansson ថារាល់ការធ្វើដំណើរសំខាន់ៗទៅកាន់អឺរ៉ុបពីខាងក្រៅគឺត្រូវបានរឹតត្បិតរហូតដល់ថ្ងៃទី ១៥ ខែមិថុនាប៉ុន្តែរដ្ឋមន្ត្រីជាច្រើនលើកឡើងថាពួកគេចង់ឲ្យឱសានវាទនេះពន្យារដល់ដើមខែកក្កដា៕
សម្រួល៖ សុផា
ប្រភព RT ចុះផ្សាយថ្ងៃទី ៥ ខែមិថុនា ឆ្នាំ ២០២០
