ទូរទស្សន៍ N-TV បានរាយការណ៍កាលពីថ្ងៃពុធថាការហាមឃាត់ព្រឹត្តិការណ៍ធំៗរួមទាំងការប្រគំតន្ត្រីនឹងត្រូវបានពន្យារពេលយ៉ាងហោចណាស់នៅចុងខែតុលាដោយសារការឆ្លងរាលដាលនៃមេរោគនេះ។
វាបានដកស្រង់ឯកសារដែលបានរៀបចំសម្រាប់ការប្រជុំរបស់អធិការបតីលោកស្រី Angela Merkel និងនាយករដ្ឋមន្ត្រីនៃរដ្ឋទាំង ១៦ របស់ប្រទេស។
ដោយឡែកនាយកប្រតិបត្តិនៃក្រុមហ៊ុនសូហ្វវែរ SAP និយាយកាលពីថ្ងៃពុធថាកម្មវិធីទូរស័ព្ទស្មាតហ្វូនរបស់ប្រទេសអាល្លឺម៉ង់ដើម្បីជួយតាមដានការឆ្លងមេរោគដែលត្រូវបានគេទាញយកបានចំនួន ៦.៥ លានដងក្នុងរយៈពេល ២៤ ម៉ោងដំបូងចាប់តាំងពីការបើកដំណើរការ។
ប្រទេសអាល្លឺម៉ង់បានចូលរួមជាមួយបណ្តាប្រទេសអ៊ឺរ៉ុបដូចជាអ៊ីតាលី ប៉ូឡូញ និងឡាតវីក្នុងការបង្កើតកម្មវិធីដែលប្រើប្ល៊ូធូសឥតខ្សែដើម្បីវាស់ទៅលើទំនាក់ទំនងរវាងមនុស្ស។ បច្ចេកវិទ្យានេះនៅតែមិនត្រូវបានធ្វើតេស្តទេ ប៉ុន្តែរដ្ឋាភិបាលបានប្រញាប់ប្រញាល់ដាក់ពង្រាយវាផងដែរ៕
សម្រួលដោយ៖ សុផា
ប្រភព RT ចុះផ្សាយថ្ងៃទី ១៨ ខែមិថុនា ឆ្នាំ ២០២០
