រដ្ឋមន្ត្រីការបរទេសរុស្ស៊ីលោក Sergey Lavrov និងឧបនាយករដ្ឋមន្ត្រីស៊ែប៊ី លោក Nebojsa Stefanovic បានចុះហត្ថលេខាលើកិច្ចព្រមព្រៀងប្រយុទ្ធប្រឆាំងនឹងអំពើភេរវកម្មនៅថ្ងៃព្រហស្បតិ៍។
កិច្ចព្រមព្រៀងត្រូវបានចុះហត្ថលេខាក្នុងអំឡុងពេលដំណើរទស្សនកិច្ចរបស់ លោក Lavrov ទៅកាន់ទីក្រុង Belgrade។ លោក Lavrov មានប្រសាសន៍ក្រោយពីចុះហត្ថលេខាថា៖ “យើងកំពុងចុះហត្ថលេខាលើកិច្ចព្រមព្រៀងធំមួយស្តីពីកិច្ចសហប្រតិបត្តិការក្នុងការប្រយុទ្ធប្រឆាំងនឹងអំពើភេរវកម្ម។ កិច្ចព្រមព្រៀងធ្វើឡើងដើម្បីធានាបាននូវក្របខ័ណ្ឌច្បាប់មានស្ថេរភាពសេវាកម្មរបស់យើងដែលកំពុងផ្សព្វផ្សាយមនោគមវិជ្ជានៅតំបន់បាល់កង់ (Balkans)”។
លោកបន្តថា “កិច្ចព្រមព្រៀងបានធានានូវកិច្ចសហប្រតិបត្តិការប្រកបដោយស្ថេរភាពរវាងសេវាកម្មរៀងៗខ្លួនរបស់ប្រទេសស៊ែប៊ីជាមួយសេវាសន្តិសុខសហព័ន្ធរបស់សហព័ន្ធរុស្ស៊ី (FSB) សេវាការពារសហព័ន្ធក្រុមប្រឹក្សាសន្តិសុខរបស់សហព័ន្ធរុស្ស៊ី” ។
យោងតាមប្រភពព័ត៌មានពីលោក Stefanovic ដែលជារដ្ឋមន្ត្រីក្រសួងមហាផ្ទៃបានបញ្ជាក់ឱ្យដឹងថា ការចុះហត្ថលេខាលើឯកសារនេះគឺជាជំពូកសំខាន់មួយនៅក្នុងទំនាក់ទំនងរវាងប្រទេសទាំងពីរ។ លោកមានប្រសាសន៍ថា៖ “ឯកសារនេះនឹងជួយសម្រួលដល់ការផ្លាស់ប្តូរព័ត៌មានរវាងក្រសួងមហាផ្ទៃស៊ែប៊ី និងសេវាកម្មផ្សេងទៀតជាមួយភ្នាក់ងាររុស្ស៊ី។ កត្តានេះនឹងជួយដល់យើងធានាឱ្យបាននូវកិច្ចការពារយ៉ាងឆាប់រហ័ស និងប្រកបដោយប្រសិទ្ធភាពទាំងផលប្រយោជន៍របស់ប្រទេសរុស្ស៊ី និងស៊ែប៊ី” ៕
ប្រភពព័ត៌មាន TASS ផ្សាយថ្ងៃទី១៨ ខែមិថុនា ឆ្នាំ២០២០
