ប្រទេសអារ៉ាប់ប៊ីសាអូឌីតបានបញ្ជាក់ថាខ្លួនបានគាំទ្រដល់ទីភ្នាក់ងារថាមពលអាតូមិកអន្តរជាតិ (IAEA) ដើម្បីពង្រឹងការត្រួតពិនិត្យទីតាំងរបស់អ៊ីរ៉ង់ និងសកម្មភាពនុយក្លេអ៊ែរ នេះបើយោងតាមសេចក្តីថ្លែងការណ៍របស់ព្រះអង្គម្ចាស់Abdullah bin Khaled bin Sultan al-Saud ចេញពីឯកអគ្គរដ្ឋទូតរបស់អារ៉ាប់ប៊ីសាអូឌីតប្រចាំនៅប្រទេសអូទ្រីស។
អគ្គនាយក IAEA ដែលជាអង្គការឃ្លាំមើលនុយក្លេអ៊ែររបស់អង្គការសហប្រជាជាតិបានសម្តែងការព្រួយបារម្ភអំពីការបដិសេធរបស់អ៊ីរ៉ង់ចំពោះការត្រួនពិនិត្យរបស់ខ្លួនលើទីតាំងចំនួនពីរ។
IAEA ដែលមានមូលដ្ឋាននៅទីក្រុង Vienna បានជួបប្រជុំកាលពីព្រឹកថ្ងៃច័ន្ទនេះ និងបានបង្ហាញការព្រួយបារម្ភយ៉ាងខ្លាំងនៅក្នុងរបាយការណ៍កាលពីដើមខែនេះថាអ៊ីរ៉ង់បាននឹងកំពុងរារាំងការធ្វើអធិការកិច្ចរបស់ខ្លួនទៅលើទីតាំងទាំងនោះ។
ឯកអគ្គរដ្ឋទូតអារ៉ាប៊ីសាអ៊ូឌីតដដែលនេះបានមានប្រសាសន៍ទៀតថាថារបាយការណ៍របស់អគ្គនាយករង IAEA លើបញ្ហានេះក៏បានបង្ហាញពីភាពវាងវៃរបស់ភាគីអ៊ីរ៉ង់ក្នុងការដោះស្រាយជាមួយសំណើរបស់ទីភ្នាក់ងារនេះអស់រយៈពេលជាងមួយឆ្នាំមកហើយ និងបានបង្ហាញពីកខ្វះខាត់ដ៏ធ្ងន់ធ្ងររបស់អ៊ីរ៉ង់ក្នុងការសហការជាមួយទីភ្នាក់ងារនេះផងដែរ។
អ្នកប្រែសម្រួល៖ គល់ សេងហាក់
ប្រភពព័ត៌មានពី baghdadpost ចេញផ្សាយថ្ងៃទី ១៨ ខែមិថុនា ឆ្នាំ២០២០
