កាលពីថ្ងៃសុក្រនេះ តាលីបង់បានសំដែងការព្រួយបារម្ភថាអាហ្វហ្គានីស្ថានអាចត្រូវបានប្រើជាកន្លែងបើកការវាយប្រហារសំរាប់អនាគតភាគខាងលិច។ មេបញ្ជាការកំពូលរបស់អាមេរិកប្រចាំតំបន់បាននិយាយនៅមុននេះថា ទីក្រុងវ៉ាស៊ីនតោនបានគាំទ្រការសន្យារបស់ខ្លួនក្នុងការកាត់បន្ថយវត្តមានយោធារបស់ខ្លួននៅក្នុងប្រទេសនេះ។
ឧត្តមសេនីយ៍ Kenneth McKenzie ប្រធានបញ្ជាការកណ្តាលអាមេរិកបាននិយាយថា ចំនួនកងទ័ពត្រូវបានកាត់បន្ថយមកនៅត្រឹម ៨៦០០ ស្របតាមកិច្ចព្រមព្រៀងដែលបានព្រមព្រៀងជាមួយក្រុមបះបោរតាលីបង់កាលពីខែកុម្ភៈនេះ។
ទោះយ៉ាងណាក៏ដោយនោះ មេបញ្ជាការរូបនេះបានព្រមានថាវាត្រូវតែមានលក្ខខណ្ឌសម្រាប់ការដកខ្លួនចេញទាំងស្រុងនៅឆ្នាំក្រោយនេះ។ អ្នកនាំពាក្យតាលីបង់លោក Zabihullah Mujahidបាននិយាយកាលពីថ្ងៃសុក្រថា “ចលនានេះបានប្តេជ្ញាចំពោះកិច្ចព្រមព្រៀងខែកុម្ភៈជាពិសេសការព្រួយបារម្ភរបស់អាមេរិក និងលោកខាងលិចអំពីការគំរាមកំហែងដល់ពួកគេពីប្រទេសអាហ្វហ្គានីស្ថាន។ ប្រទេសរបស់យើងនឹងមិនត្រូវបានប្រើដើម្បីប្រឆាំងនឹងអ្នកណាម្នាក់ឡើយ។ ពួកគេមិនគួរព្រួយបារម្ភទេ” ៕
សម្រួល៖ សុផា
ប្រភព RT ចុះផ្សាយថ្ងៃទី ១៩ ខែមិថុនា ឆ្នាំ ២០២០
