អ្នកឃ្លាំមើលសង្គ្រាមម្នាក់បានរាយការណ៍ថា សមាជិករដ្ឋអ៊ីស្លាម (IS) បានបើកការវាយប្រហារលើទីតាំងយោធាស៊ីរីមួយកន្លែងនៅភាគខាងកើតប្រទេសស៊ីរីនៅថ្ងៃអាទិត្យម្សិលមិញ។ ហេតុការណ៍នោះសម្លាប់ទាហានចំនួន៨នាក់ ហើយក្រុមភេរវករបានចាប់ទាហានចំនួន៣នាក់ផ្សេងទៀត។
ក្រុមឃ្លាំមើលសិទ្ធិមនុស្សស៊ីរីនិយាយថា ក្រុមឧទ្ទាម IS បានវាយប្រហារលើទីតាំងយោធាស៊ីរី ដែលស្ថិតនៅជាយទីក្រុង al-Mayadeen នៅភាគខាងកើតខេត្ត Deir al-Zour ដោយពួកគេបានចូលរួមប្រយុទ្ធជាមួយកងទ័ពស៊ីរី។ការវាយប្រហារនេះជាសកម្មភាពចុងក្រោយបង្អស់ក្នុងចំណោមការវាយប្រហាររបស់សមាជិកឧទ្ទាម ISនៅតំបន់វាលខ្សាច់នៅភាគខាងកើតប្រទេសស៊ីរី។
គួរបញ្ជាក់ផងដែរថា ឧទ្ទាម IS បានបាត់បង់តំបន់សំខាន់ៗនៅទូទាំងប្រទេសស៊ីរ៉ី ប៉ុន្តែសមាជិកលាក់ខ្លួន និងសមាជិកក្រុមមួយចំនួនរបស់ពួកគេនៅតំបន់វាលខ្សាច់ជាញឹកញាប់នៅតែបន្តធ្វើការវាយប្រហារលើកងកម្លាំងស៊ីរី។
ប្រែសម្រួល៖ប៉ោក លក្ខិណា
ប្រភពព័ត៌មាន xinhuanet ផ្សាយថ្ងៃទី២១ ខែមិថុនា ឆ្នាំ២០២០
