ការវាយប្រហារភេរវកម្មមួយបានកើតឡើងនៅក្នុងខេត្ត Ain Defla ភាគពាយព្យនៃរដ្ឋធានី អាល់ហ្សេ (Algiers) នៃប្រទេសអាលហ្សេរី។ក្រសួងការពារជាតិប្រកាសនៅថ្ងៃអាទិត្យម្សិលមិញថា ទាហានម្នាក់ត្រូវបានសម្លាប់នៅក្នុងការវាយប្រហារនោះ។
នៅក្នុងសេចក្តីថ្លែងការណ៍របស់ក្រសួងបានបញ្ជាក់ថា កម្លាំងទ័ពបានប៉ះទង្គិចជាមួយក្រុមភេរវករមួយនៅថ្ងៃសៅរ៍នៅក្រុង Tariq Ben Ziyad ក្នុងខេត្ត Ain Defla ដែលមានចម្ងាយ ១៥០ គីឡូម៉ែត្រភាគពាយព្យនៃរដ្ឋធានីអាល់ហ្សេ។ ប្រភពបន្តថា កម្លាំងទ័ព Mustafa Zenanda ដែលជាមន្ត្រីកិច្ចសន្យា ត្រូវបានសម្លាប់នៅពេលកំពុងបំពេញភារកិច្ចជូនជាតិ។
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ផ្សាយនៅថ្ងៃទី២១ ខែមិថុនា ឆ្នាំ២០២០
