ប្រព័ន្ធការពារអាកាសស៊ីរីបានកម្ចាត់គ្រាប់ម៉ីស៊ីលជាច្រើនគ្រាប់ ដែលបានបាញ់សំដៅមកលើអាកាសទីក្រុង Hama។
នៅក្នុងរបាយការណ៍បានឱ្យដឹងថា “ប្រព័ន្ធការពារអាកាសបានកំពុងកម្ចាត់ការវាយប្រហារមីស៊ីលរបស់សត្រូវនៅជាយក្រុង Hama ដែលមានចម្ងាយ ២២០គីឡូម៉ែត្រពីក្រុង Damascus និងបានវាយប្រហារលើគោលដៅជាច្រើនផ្សេងទៀត។
មុននេះ កងកម្លាំងការពារដែនអាកាសអ៊ីស្រាអែលបានវាយប្រហារទៅលើទីតាំងកងទ័ពនៅមូលដ្ឋាន As-SuwaydaនិងDEIR ez-Zor។ ការវាយប្រហារនោះបណ្តាលឱ្យទាហានចំនួន២នាក់ស្លាប់ និង៤នាក់ផ្សេងទៀតរងរបួស។
ប៉ុស្តិ៍ទូរទស្សន៍ Al Hadath បានរាយការណ៍ថា ការវាយប្រហារមីស៊ីលទៅលើមូលដ្ឋានយោធាស៊ីរីគឺអនុវត្តឡើងដោយកងទ័ពអាកាសអ៊ីស្រាអែល។ យោងតាមប្រភពរបាយការណ៍បញ្ជាក់ឱ្យដឹងថា ការវាយប្រហារនោះបានកំណត់គោដៅទៅលើអង្គភាពគាំទ្រអ៊ីរ៉ង់ ដែលកំពុងប្រយុទ្ធគ្នាជាមួយកងទ័ពស៊ីរី។
ប្រែសម្រួល៖ ប៉ោក លក្ខិណា
ប្រភពព័ត៌មាន TASS ផ្សាយថ្ងៃទី២៤ ខែមិថុនា ឆ្នាំ២០២០
