ប៉ូលីសអូស្ត្រាលីបានបង្កើតប៉ុស្តិ៍ត្រួតពិនិត្យនៅជាយក្រុងទីក្រុងមែលប៊នកាលពីថ្ងៃព្រហស្បតិ៍ដើម្បីពង្រឹងបទបញ្ជាការស្នាក់នៅផ្ទះ ខណៈដែលអាជ្ញាធរព្យាយាមទប់ទល់នឹងការផ្ទុះជាថ្មីនៃមេរោគកូរ៉ូណាវីរុសនេះ។ អាជ្ញាធរកំពុងពិចារណាប្រើប្រាស់ដ្រូននៅក្នុងទីក្រុងធំទី ២ របស់ប្រទេសនេះ។
ប៉ូលីសជាង ១,០០០ នាក់បានតំឡើងប៉ុស្តិ៍នៅជុំវិញតំបន់ជាយក្រុងចំនួន ៣៦ ដែលបានវិលត្រឡប់ទៅរកការបិទប្រទេសវិញបន្ទាប់ពីមានការកើនឡើងនៃការឆ្លងសារជាថ្មីនោះ។
ខណៈដែលផ្នែកសេសសល់នៅក្នុងប្រទេសអូស្ត្រាលីចាប់ផ្តើមបើកព្រំដែនរដ្ឋ និងបន្ធូរបន្ថយការឃ្លាតឆ្ងាយពីសង្គមនោះ រដ្ឋ Victoria នៃទីក្រុងមែលប៊នបានសន្យាថានឹងធ្វើការផាកពិន័យអ្នកដែលនៅតំបន់ដែលរងផលប៉ះពាល់នេះដែលបានរំលោភលើការរឹតបន្តឹងនេះ៕
សម្រួល៖ សុផា
ប្រភព RT ចុះផ្សាយថ្ងៃទី ២ ខែកក្កដា ឆ្នាំ ២០២០
