ការបំផ្ទុះគ្រាប់បែកចំនួនមួយគ្រាប់កាលពីថ្ងៃសុក្រនេះបានតម្រង់គោលដៅលើរថយន្តរបស់កង កម្លាំងប្រជាធិបតេយ្យស៊ីរី (SDF) ដែលដឹកនាំដោយជនជាតិឃឺដស្ថិតនៅជាយខេត្ត Deir ez-Zor ភាគខាងកើតប្រទេសស៊ីរី។
អង្គការឃ្លាំមើលសិទ្ធិមនុស្សស៊ីរី (SOHR) បាននិយាយនៅក្នុងរបាយការណ៍មួយថាឧប្បត្តិហេតុនេះបានកើតឡើងនៅក្នុងភូមិal-Dahlal ដែលជាទីកន្លែងដែលគ្រាប់បែកកែឆ្នៃបានផ្ទុះឡើងបណ្តាលឱ្យរថយន្តរបស់កម្លាំងប្រជាធិបតេយ្យស៊ីរីខូចខាត់ខណៈកំពុងធ្វើដំណើរឆ្លងកាត់ ប៉ុន្តែវាមិនបានបណ្តាលឱ្យមានគ្រោះថ្នាក់ដល់អាយុជីវិតនោះទេ ក្រោយមកកងកម្លាំងប្រជាជាធិបតេយ្យបានគ្រប់គ្រងស្ថានការណ៍ឡើងវិញ និងបានស្វែងរក និងដោះគ្រាប់បែកកែឆ្នៃចំនួនពីរគ្រាប់ផ្សេងទៀតនៅក្បែរកន្លែងកើតហេតុ។ គួ
របញ្ជាក់ថាហេតុការណ៍នេះបានកើតឡើងតែមួយថ្ងៃបន្ទាប់ពីបុរសប្រដាប់អាវុធមិនស្គាល់អត្តសញ្ញាណដែលត្រូវបានគេជឿថាជាសមាជិកនៃក្រុមរដ្ឋអ៊ីស្លាមបានធ្វើឃាតលើអ្នកប្រយុទ្ធរបស់កងកម្លាំងប្រជាធិបតេយ្យម្នាក់ដែលស្ថិតនៅក្នុងភូមិ al-Sabha នៃខេត្ត Deir ez-Zor៕
ប្រភពព័ត៌មានពី baghdadpost ចេញផ្សាយថ្ងៃទី៣ ខែកក្កដា ឆ្នាំ២០២០
