អាជ្ញាធរនិយាយនៅថ្ងៃអាទិត្យថា ទាហានក្នុងក្រុមដោះគ្រាប់បែករបស់កងទ័ពអាហ្វហ្គានីស្ថាន និងសមាជិកក្រុមសកម្មប្រយុទ្ធចំនួន ៤នាក់ស្លាប់នៅក្នុងខេត្តចំនួនពីរ។ អ្នកនាំពាក្យ
រដ្ឋាបាលខេត្តលោក Attahullah Khogiani ប្រាប់ភ្នាក់ងារសារព័ត៌មានថា ទាហានបានបាត់បង់ជីវិតនៅពេលគ្រាប់បែករបស់ក្រុមតាលីបង់បានផ្ទុះនៅស្រុក Surkh Rod ក្នុងខេត្ត Nangarhar នៅរសៀលថ្ងៃអាទិត្យសប្តាហ៍មុន។
យោងតាមប្រភពក្រសួងការពារជាតិអាហ្វហ្គានីស្ថានបានឲ្យដឹងថា យ៉ាងហោចណាស់មានគ្រាប់បែកមិនទាន់ផ្ទុះចំនួន១៧គ្រាប់ និងគ្រាប់មីនដែលផលិតនៅតាមផ្ទះត្រូវបានការពារដោយកងទ័ពក្នុងរយៈពេល ២៤ម៉ោងចុងក្រោយនៅក្នុងប្រទេសអាហ្វហ្គានីស្ថាន។
ក្រសួងនិយាយនៅក្នុងសេចក្តីថ្លែងការណ៍មួយថា នៅក្នុងខេត្ត Paktia មានសមាជិកសកម្មប្រយុទ្ធតាលីបង់ចំនួន ៤នាក់ស្លាប់ រួមទាំងមានសមាជិកសន្តិសុខម្នាក់ និងសមាជិកក្រុមសកម្មប្រយុទ្ធតាលីបង់ចំនួន ២នាក់ផ្សេងទៀតបានរងរបួសក្នុងពេលមានការប៉ះទង្គិចគ្នាក្នុងស្រុក Aryoub Zazi នៅពាក់កណ្តាលអធ្រាត្រយប់ថ្ងៃសៅរ៍។ ការប៉ះទង្គិចគ្នាបានកើតឡើងក្រោយពីសមាជិកក្រុមសកម្មប្រយុទ្ធធ្វើការវាយឆ្មក់លើការយាមល្បាតរបស់កងកម្លាំងសន្តិសុខនៅក្នុងភូមិ Shego៕
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ផ្សាយថ្ងៃទី០៥ ខែកក្កដា ឆ្នាំ២០២០
