ក្រសួងការពារជាតិតួកគីនិយាយនៅថ្ងៃអង្គារថា កងកម្លាំងសន្តិសុខតួកគីបានសម្លាប់សមាជិកពីរនាក់របស់អង្គភាពការពារប្រជាជនឃឺដស៊ីរី (YPG) និងបានចាប់ខ្លួនយ៉ាងសមាជិកចំនួនបីនាក់ផ្សេងទៀតនៅភាគខាងជើងប្រទេសស៊ីរី។
ក្រសួងបានសរសេរបន្ថែមទៀតថា “ សមាជិក YPG ទាំង ២នាក់នោះកំពុងរៀបចំការវាយប្រហារនៅក្នុងតំបន់ក្រោមប្រតិបត្តិការ Euphrates Shield” ។
អាជ្ញាធរតួកគីច្រើនតែប្រើពាក្យ«បង្ក្រាប»ដើម្បីបញ្ជាក់ពី«ភេរវករ»ក្នុងសំណួរដែលសួរពាក់ព័ន្ធថានរណាខ្លះត្រូវបានសម្លាប់ ឬចាប់ខ្លួន។ ក្រសួងក៏បាននិយាយផងដែរថា កងកម្លាំងសន្តិសុខបានចាប់ខ្លួនអ្នកប្រយុទ្ធ YPGម្នាក់នៅក្នុងតំបន់ប្រតិបត្តិការ Operation Euphrates Shield និងបានចាប់ខ្លួនមនុស្សចំនួនពីរនាក់ផ្សេងទៀតនៅក្នុងតំបន់ប្រតិបត្តិការ Olive Branch។
សេចក្តីរាយការណ៍បានបន្ថែមថា ភេរវករទាំងនោះកំពុងប៉ុនប៉ងរំខានសន្តិភាព និងសន្តិសុខនៅភាគខាងជើងប្រទេសស៊ីរី។
កងកម្លាំងតួកគីចាត់ទុកថា ក្រុម YPG ជាសាខារបស់គណបក្សពលករឃឺដ (PKK) ដែលខុសច្បាប់។ កងទ័ពតួកគីបើកប្រតិបត្តិការ Euphrates Shield ក្នុងឆ្នាំ២០១៦ ប្រតិបត្តិការ Olive Branch នៅឆ្នាំ២០១៨ ប្រតិបត្តិការ Spring Shield នៅឆ្នាំ២០១៩ និងប្រតិបត្តិការ Spring Shield នៅឆ្នាំ២០២០ នៅភាគខាងជើងប្រទេសស៊ីរីដើម្បីបង្កើតតំបន់គ្មានសមាជិកYPG នៅតាមព្រំដែនរបស់ខ្លួនជាមួយប្រទេសជិតខាង។
គួររំលឹកផងដែរថា PKK ត្រូវបានចុះបញ្ជីជាអង្គការភេរវករ ដោយប្រទេសតួកគី សហរដ្ឋអាមេរិក និងសហភាពអឺរ៉ុប។ សមាជិក PKK បានធ្វើការបះបោរប្រឆាំងនឹងរដ្ឋាភិបាលតួកគីអស់រយៈពេលច្រើនជាង ៣០ឆ្នាំ និងបានផ្តាច់ជីវិតមនុស្សច្រើនជាងចំនួន ៤ម៉ឺននាក់។
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ផ្សាយថ្ងៃទី០៧ ខែកក្កដា ឆ្នាំ២០២0
