អគ្គលេខាធិការអង្គការណាតូលោក Jens Stoltenberg បានធ្វើកិច្ចប្រជុំពិភាក្សាការងារ កាលពីថ្ងៃពុធ (ថ្ងៃទី៨ ខែកក្កដា ឆ្នាំ២០២០) ជាមួយឧបនាយករដ្ឋមន្ត្រីអ៊ុយក្រែន លោកស្រី Olha Stefanishyna អំពីសហគមន៍អឺរ៉ុប និងសមារណកម្មអឺរ៉ុប – អាត្លង់ទិច។
ពួកគាត់បានពិភាក្សា អំពីអាទិភាពរបស់រដ្ឋាភិបាលថ្មីអ៊ុយក្រែន និងភាពខ្លាំងនៃភាពជាដៃគូរវាងអង្គការណាតូ និងអ៊ុយក្រែន។ លោកអគ្គលេខាធិការបានស្វាគមន៍ចំពោះស្ថានភាពរបស់អ៊ុយក្រែនក្នុងនាមជាដៃគូ ដែលរួមចំណែកទទួលស្គាល់បញ្ហាសន្តិសុខសហគមន៍អឺរ៉ុប – អាត្លង់ទិច។
គួររំលឹកថាថ្មីនេះ លោកស្រីឧបនាយករដ្ឋមន្ត្រីក៏បានចូលរួមក្នុងកិច្ចប្រជុំគណៈកម្មាធិការណាតូ – អ៊ុយក្រែនដែលដឹកនាំដោយអគ្គលេខាធិការរងផងដែរ។ លោកស្រីឧបនាយករដ្ឋមន្ត្រីបានធ្វើបទសម្ភាសន៍ដល់សម្ព័ន្ធមិត្តស្តីអំពីកិច្ចប្រឹងប្រែងកែទម្រង់របស់ប្រទេសអ៊ុយក្រែន និងស្ថានភាពសន្តិសុខផ្ទៃក្នុងនិងជុំវិញប្រទេសអ៊ុយក្រែន។
សម្ព័ន្ធមិត្តក៏បានរំលឹកឡើងវិញនូវការប្តេជ្ញាចិត្តរបស់អង្គការអូតង់ចំពោះអធិបតេយ្យភាពរបស់អ៊ុយក្រែន និងបូរណភាពទឹកដី និងបានកោតសរសើរអ៊ុយក្រែនចំពោះការប្តេជ្ញាចិត្តចំពោះដំណោះស្រាយសន្តិភាព នៃជម្លោះនៅភាគខាងកើតអ៊ុយក្រែន។ សម្ព័ន្ធមិត្តក៏បានសង្កត់ធ្ងន់លើសារសំខាន់នៃការកំណែទម្រង់ក្នុងស្រុក ជាពិសេសនៅក្នុងប្រព័ន្ធតុលាការ ជានឹងការប្រយុទ្ធប្រឆាំងនឹងអំពើពុករលួយ និងនៅក្នុងវិស័យសន្តិសុខនិងការពារជាតិ។
អគ្គលេខាធិការរងរូបនេះបានកត់សម្គាល់ថា គោលនយោបាយជាតិប្រចាំឆ្នាំរបស់អ៊ុយក្រែនសម្រាប់ឆ្នាំ២០២០ នៅតែជាក្របខ័ណ្ឌល្អមួយ ដើម្បីធានាបាននូវវឌ្ឍនភាពនៅក្នុងការកំណែទម្រង់។ ហើយកិច្ចប្រជុំនេះក៏ជាឱកាសមួយសម្រាប់គណៈកម្មការណាតូ – អ៊ុយក្រែន ដើម្បីពិភាក្សាអំពីអនុវត្តន៍ជំហានឆ្ពោះទៅមុខនៅក្នុងរបៀបវារៈភាពជាដៃគូរួមគ្នា៕
អ្នកប្រែសម្រួល៖ ឱក សុវណ្ណារ័ត្ន
ប្រភពព័ត៌មានពី NATO ចេញផ្សាយថ្ងៃទី៨ ខែកក្កដា ឆ្នាំ២០២០
