មី​ស៊ី​ល​របស់​ឧទ្ទាម​ហ៊ូ​ទី​វាយប្រហារ​លើ​ទីក្រុង Ma’rib នៅក្នុង​ប្រទេស​យេ​ម៉ែន

0

កងកម្លាំង​ចម្រុះ​ដឹកនាំ​ដោយ​អា​រ៉ា​ប៊ី​សា​អូឌីត​បាន​និយាយ​នៅ​ថ្ងៃ​អង្គារ​នេះ​ថា មី​ស៊ី​ល​ដែល​បាញ់​ដោយ​កងជីវពល​ហ៊ូ​ទី​បាន​ធ្លាក់​ក្នុង​ទីក្រុង Ma’rib នៅ​ភាគ​ខាងកើត​នៃ​រដ្ឋធានី Sanaa ក្នុងប្រទេស​យេ​ម៉ែន។

អ្នកនាំពាក្យ​របស់​កង​កម្លាំងចម្រុះ​លោក Turki Al Maliki មានប្រសាសន៍​នៅក្នុង​សេចក្តីថ្លែងការណ៍​មួយ​ថា មី​ស៊ី​ល​នោះ​ត្រូវ​ក្រុម​ឧទ្ទាម​បាញ់​នៅ​ល្ងាច​ថ្ងៃ​អង្គារ​ម្សិលមិញ។ អ្នកនាំពាក្យ​បន្តថា កងជីវពល Houthi នៅតែ​បន្ត​បំពាន​លើ​ច្បាប់​មនុស្សធម៌​អន្តរជាតិ​ដោយ​ធ្វើការ​បាញ់​មី​ស៊ី​ល​ផ្លោង​ទៅលើ​ជន​ស៊ីវិល និង​លើ​តំបន់​លំនៅដ្ឋាន” ។ លោក​បន្ថែមថា កងកម្លាំង​ចម្រុះ​នឹង​បន្ត​អនុវត្ត​រាល់​វិធានការ​ទាំងអស់​ដើម្បី​កាត់បន្ថយ​សមត្ថភាពរ​បស់​ឧទ្ទាម​ហ៊ូ​ធី។

បន្ថែម​លើ​ពីនេះ កងកម្លាំង​ចម្រុះ​បានប្រកាស​នៅ​ថ្ងៃ​ច័ន្ទ ទី១៣ ដើម​សប្តាហ៍​នេះ​ថា ពួកគេ​បាន​ស្ទាក់ចាប់​មី​ស៊ី​ល​របស់​ឧទ្ទាម​ហ៊ូ​ទី ចំនួន ៤គ្រាប់ និង​យន្ត​បញ្ជា​ដ្រូ​ន​ចំនួន ០៧គ្រឿង​ដែល​បានកំណត់​គោលដៅ​លើ​រាជាណាចក្រ​នេះ។

ប្រែ​សម្រួល៖ ប៉ោក លក្ខិណា
ប្រភពព័ត៌មាន Xinhua ផ្សាយ​ថ្ងៃទី១៤ ខែកក្កដា ឆ្នាំ២០២០

LEAVE A REPLY

Please enter your comment!
Please enter your name here