ទីភ្នាក់ងារសារព័ត៌មាន Tasnim បានរាយការណ៍កាលពីថ្ងៃពុធនេះថាយ៉ាងហោចណាស់មាននាវា ៧គ្រឿងបានឆាបឆេះនៅឯកំពង់ផែ Bushehr របស់អ៊ីរ៉ង់ដែលនេះគឺជាហេតុការណ៍កើតឡើងជាចុងក្រោយបង្អស់នៅក្នុងចំណោមហេតុកាណ៍ផ្សេងៗដូចជាអគ្គិភ័យ និងការផ្ទុះនានានៅទូទាំងប្រទេសដែល ។
ទីភ្នាក់ងារនេះបាននិយាយថាមិនមានរបាយការណ៍ស្តីពីការស្លាប់ និងរបួសនោះទេ។ ភ្នក់ភ្លើងផ្សែងខ្មៅហុយចូលទៅក្នុងអាកាសនៅក្នុងរូបថតនៃឧប្បត្តិហេតុដែលត្រូវបានចេញផ្សាយដោយទីភ្នាក់ងារសារព័ត៌មានផ្លូវការ IRNA។
គួររំលឹកថានាពេលកន្លងមកអ៊ីរ៉ងបានជួបប្រទះនឹងហេតុការណ៍ផ្ទុះ និងអគ្គិភ័យជាច្រើននៅជុំវិញទីតាំងយោធាអ៊ីរ៉ង់ នុយក្លេអ៊ែរ និងឧស្សាហកម្មផ្សេងៗចាប់តាំងពីចុងខែមិថុនារួមទាំងអគ្គិភ័យនៅឯរោងចក្រនុយក្លេអ៊ែរក្រោមដីរបស់អ៊ីរ៉ង់កាលពីថ្ងៃទី២ ខែកក្កដាកន្លងមកនេះ៕
អ្នកប្រែសម្រួល៖ គល់ សេងហាក់
ប្រភពព័ត៌មានពី baghdadpost ចេញផ្សាយថ្ងៃទី ១៦ ខែកក្តដា ឆ្នាំ២០២០
