កាលពីថ្ងៃសុក្រ ទី១៧ ខែកក្កដា ឆ្នាំ២០២០ ប្រហែលជាម៉ោង ៩និង៤៥នាទីព្រឹក ភ្នាក់ងារ FBI អនុវត្តតាមដីកាចាប់ខ្លួនរបស់សហព័ន្ធនៅទីតាំងផ្ទះមួយកន្លែង នៅប្លក់ ៥៧០០ នៃផ្លូវ Hirondel នៅខាងត្បូងហ៊ូស្តុន។ ដីកាចាប់ខ្លួន គឺសំរាប់បុគ្គលផ្នែកទី ២២៥៦ នៃចំណងជើង ១៨ ក្រមសហរដ្ឋអាមេរិក ចែងពីការកេងប្រវ័ញ្ចផ្លូវភេទលើកុមារ។ នៅពេលភ្នាក់ងារ FBI ប៉ុនប៉ងធ្វើការចាប់ខ្លួនជនសង្ស័យត្រូវបានបាញ់សម្លាប់។
មិនមានភ្នាក់ងារ FBI មន្ត្រីអនុវត្តច្បាប់ ឬមនុស្សបន្ថែមណាម្នាក់រងរបួសទេ។ មន្ត្រីនាយកដ្ឋានប៉ូលីសហ៊ូស្តុនមានវត្តមាននៅទីតាំង ដើម្បីជួយភ្នាក់ងារ FBI នៅក្នុងការការពារបរិវេណក្នុងពេលប្រតិបត្តិដីកាចាប់ខ្លួន ហើយមិនមានជាប់ពាក់ព័ន្ធនឹងការបាញ់ប្រហារនោះទេ។
FBI យកចិត្តទុកដាក់រាល់ករណីបាញ់ប្រហារដែលពាក់ព័ន្ធនឹងភ្នាក់ងាររបស់ខ្លួន។ តាមនីតិវិធី FBI ស្តង់ដារក្រុមត្រួតពិនិត្យហេតុការណ៍បាញ់ប្រហារដែលដឹកនាំដោយផ្នែកអធិការកិច្ចរបស់ FBI នឹងសម្ភាសសាក្សី និងប្រមូលព័ត៌មានសម្រាប់ការធ្វើបទបង្ហាញទៅក្រុមអ្នកស៊ើបអង្កេតហេតុការណ៍បាញ់ប្រហារ (SIRG) ដែលមានសមាជិកមកពី FBI និងអង្គភាពយុត្តិធម៌សហរដ្ឋអាមេរិក។
SIRG បានពិនិត្យព័ត៌មានទាំងអស់ និងកំណត់ពីភាពសមហេតុផលនៃការអនុវត្តស្លាប់ ដោយអនុលោមតាមគោលការណ៍បង្ខំឱ្យស្លាប់របស់អង្គភាពយុត្តិធម៌ និងច្បាប់។ លទ្ធផលនៃការស៊ើបអង្កេតនឹងត្រូវផ្តល់ជូនការិយាល័យមេធាវីស្រុក និងមន្ទីរយុត្តិធម៌ផ្នែកសិទ្ធិស៊ីវិល ដើម្បីពិនិត្យ។ ដំណើរការពិនិត្យឡើងវិញមានលក្ខណៈហ្មត់ចត់ និងមានគោលបំណង ហើយត្រូវបានគេចាត់ទុកថាជាការស៊ើបអង្កេតយ៉ាងសកម្ម។ មិនមានព័ត៌មានលំអិតបន្ថែមណាមួយត្រូវបានផ្សព្វផ្សាយជាសាធារណៈទេរហូតទាល់តែការស៊ើបអង្កេតបញ្ចប់៕
អ្នកប្រែសម្រួល៖ ឱក សុវណ្ណារ័ត្ន
ប្រភពព័ត៌មានពី FBI ចេញផ្សាយថ្ងៃទី១៧ ខែកក្កដា ឆ្នាំ២០២០
