ភេរវករបានចាប់ដោយកងកម្លាំងសន្តិសុខប្រទេសតួកគី នៅក្នុងប្រតិបត្ដិការតំបន់ Euphrates Shield ។
កម្លាំងសន្តិសុខប្រទេសតួរគីបានចាប់ខ្លួនភេរវករ២នាក់ ដែលជាប់ទាក់ទងនឹងក្រុមភេរវកម្ម DAESH/ISIS នៅភាគខាងជើងប្រទេសស៊ីរី គ្រាន់តែនៅភាគខាងត្បូងនៃព្រំដែនទួរគី ក្រសួងការពារជាតិតួកគី បាននិយាយនៅថ្ងៃអង្គារនេះ។
“ភេរវករ DAESH ចំនួន២នាក់ ត្រូវបានគេរកឃើញថា កំពុងធ្វើសកម្មភាពភេរវកម្ម ដើម្បីរំខានដល់បរិយាកាសសន្តិភាព និងសន្តិសុខនៅតំបន់ Euphrates Shield ត្រូវបានឃុំខ្លួននៅក្នុងប្រតិបត្តិការមួយ” យោងក្រសួងបាននិយាយនៅលើ Twitter ។
ក្រសួងបាននិយាយនៅក្នុងសេចក្តីថ្លែងការណ៍មួយថា ដោយឡែកកម្លាំងសន្តិសុខតួកគីបានចាប់ខ្លួនមនុស្ស២នាក់ ដែលត្រូវបានចោទប្រកាន់ថាមានជាប់ទាក់ទងនឹងអង្គការភេរវករនៅតាមបណ្តោយព្រំដែនតួកគី-ស៊ីរី នៅខេត្តហាតាយ។
ចាប់តាំងពីឆ្នាំ២០១៦ មកប្រទេសតួកគីបានដាក់ចេញនូវប្រតិបត្តិការប្រឆាំងភេរវកម្មប្រកបដោយជោគជ័យឆ្លងកាត់ព្រំដែនរបស់ខ្លួន នៅភាគខាងជើងប្រទេសស៊ីរី ដើម្បីទប់ស្កាត់ការបង្កើតច្រករបៀងភេរវកម្ម និងបើកឱ្យមានការតាំងទីលំនៅដោយសន្តិវិធីដោយអ្នកស្រុក៖ Euphrates Shield (២០១៦) Olive Branch(២០១៨) និង Peace Spring (ឆ្នាំ ២០១៩) ។
តួកគីស្ថិតក្នុងចំណោមប្រទេសដំបូងដែលបានចុះបញ្ជី Daesh / ISIS ជាក្រុមភេរវកម្មក្នុងឆ្នាំ ២០១៣ ។
ចាប់តាំងពីពេលនោះមកប្រទេសនេះត្រូវបានវាយប្រហារ ដោយក្រុមនេះជាច្រើនដង នៅក្នុងការវាយប្រហារអត្តឃាតយ៉ាងតិច១០លើក ការបំផ្ទុះគ្រាប់បែក៧លើក និងការវាយប្រហារដោយអាវុធចំនួន៤លើកនេះ ក្នុងនោះយ៉ាងហោចណាស់មនុស្ស ៣០០នាក់ត្រូវបានសម្លាប់ និងរាប់រយនាក់ផ្សេងទៀតរងរបួស។
ជាការឆ្លើយតបតួកគីបានបើកប្រតិបត្តិការយោធា និងប៉ូលិសទាំងក្នុងនិងក្រៅប្រទេស ដើម្បីការពារការវាយប្រហារភេរវកម្មបន្ថែមទៀត៕
អ្នកប្រែសម្រួល៖ ឱក សុវណ្ណារ័ត្ន
ប្រភពព័ត៌មានពី Anadolu Agency ចេញផ្សាយថ្ងៃទី២១ ខែកក្កដា ឆ្នាំ២០២០
