បែលហ្ស៊ិកបានប្រកាសពីវិធានការណ៍ថ្មីៗកាលពីថ្ងៃច័ន្ទរួមទាំងការកាត់បន្ថយយ៉ាងខ្លាំងនៃទំនាក់ទំនងសង្គមបន្ទាប់ពីមានការកើនឡើងនៃការឆ្លងមេរោគកូរ៉ូណាវីរុសនៅក្នុងរយៈពេលបីសប្តាហ៍កន្លងមកនេះ។ ចាប់ពីថ្ងៃពុធនេះ ក្រុមគ្រួសារប៊ែលហ្សិក ឬអ្នកដែលរស់នៅជាមួយគ្នានឹងអាចជួបមនុស្ស ៥ នាក់ប៉ុណ្ណោះ។
ចំនួនដែលត្រូវបានអនុញ្ញាតឱ្យចូលរួមក្នុងព្រឹត្តិការណ៍សាធារណៈនឹងត្រូវកាត់បន្ថយដល់ ១០០ នាក់សម្រាប់ការជួបជុំនៅខាងក្នុង និង ២០០ នាក់នៅខាងក្រៅ។ លោក Wilmes ក៏បាននិយាយដែរថា ប្រជាជនគួរតែធ្វើការពីផ្ទះតាមដែលអាចធ្វើទៅបាន។
លោក Wilmes បាននិយាយថា “យើងកំពុងធ្វើសកម្មភាពម្តងទៀតនៅថ្ងៃនេះដើម្បីរក្សាស្ថានការណ៍ និងដើម្បីទប់ស្កាត់ការបិទប្រទេសជាលក្ខណៈទូទៅ” ។ ទីភ្នាក់ងារសារព័ត៌មានរ៉យទ័របានដកស្រង់សម្តីនាយករដ្ឋមន្រ្តីបាននិយាយថាអ្នកដែលឆ្លងជំងឺទាំងនោះហាក់ដូចជាមានការឆ្លងច្រើនជាងពេលដែលប្រទេសនេះត្រូវបានបិទទ្វារនៅពាក់កណ្តាលខែមីនា៕
សម្រួល៖ សុផា
ប្រភព RT ចុះផ្សាយថ្ងៃទី ២៧ ខែកក្កដា ឆ្នាំ ២០២០
