ទូរទស្សន៍រដ្ឋចុះផ្សាយថា មានហេតុការណ៍ផ្ទុះគ្រាប់បែកសំឡេងមួយកើតឡើងនៅថ្ងៃពុធ ទី០៥ ខែសីហា ម្សិលមិញនេះ បណ្តាលឱ្យប៉ូលិសចំនួន០៤នាក់រងរបួសក្នុងទីក្រុង Zahedan នៅភាគអាគ្នេយ៍នៃប្រទេសអ៊ីរ៉ង់។
សេចក្តីរាយការណ៍បានលើកឡើងថា ការផ្ទុះបានកើតឡើងនៅក្បែររថយន្តប៉ូលិសដែលកំពុងល្បាតនៅសង្កាត់ Zibashahr ក្នុងស្រុក Zahedan ភ្លាមៗក្រោយពីវេលាពាក់កណ្តាលអធ្រាត្រ។ រថយន្តមួយគ្រឿងដែលចតនៅក្នុងតំបន់នោះក៏រងការខូចខាត។
ក្រោយមក ភ្នាក់ងារព័ត៌មាន IRNA ផ្លូវការផ្សាយថា ប៉ូលិសទាំងចំនួន០៤នាក់ដែលរងរបួសស្រាលទទួលបានការអនុញ្ញាតិចេញពីមន្ទីរពេទ្យ។
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ផ្សាយថ្ងៃទី០៥ ខែសីហា ឆ្នាំ២០២០