ប្រទេសចិនបាននិយាយថា ការផ្លាស់ប្តូរអំពី “ឯកតោភាគី” នៅក្នុងការផ្លាស់ប្តូរស្ថានភាពទីក្រុងចាមមូ និងតំបន់កាស្មៀរ កាលពីឆ្នាំ២០១៩ គឺ “ខុសច្បាប់ និងមិនត្រឹមត្រូវ” ។
ឥណ្ឌាបានរិះគន់ប្រទេសចិនកាលពីថ្ងៃពុធដោយសារចិននិយាយថា “ឯកតោភាគី” ក្នុងការផ្លាស់ប្តូរលើស្ថានភាពនៃអតីតរដ្ឋចាមមួ និងតំបន់កាស្មៀរ កាលពីឆ្នាំ២០១៩ គឺ “ការខុសច្បាប់ និងមិនត្រឹមត្រូវ” និងបាននិយាយថាទីក្រុងប៉េកាំងមិនមានជំហរស្របច្បាប់លើបញ្ហានេះនោះទេ។
ភាគីចិនមិនមានគោលជំហរអ្វីលើបញ្ហានេះទេ និងត្រូវបានគេណែនាំមិនឱ្យធ្វើអត្ថាធិប្បាយលើកិច្ចការផ្ទៃក្នុងរបស់ប្រជាជាតិដទៃទៀតឡើយ នេះយោងតាមអ្នកនាំពាក្យក្រសួងកិច្ចការខាងក្រៅប្រទេសឥណ្ឌាលោក Anurag Srivastava ។
គួរឱ្យកត់សម្គាល់មួយឆ្នាំ ចាប់តាំងពីប្រទេសឥណ្ឌាបានលុបចោលស្ថានភាពពិសេសរបស់ទីក្រុងចាមមូ និងតំបន់កាស្មៀរ ព្រមទាំងបានធ្វើសមាហរណកម្មនៅលើទឹកដីសហព័ន្ធ ដែលអ្នកនាំពាក្យក្រសួងការបរទេសចិនលោក Wang Wenbin បាននិយាយថា “រាល់ការផ្លាស់ប្តូរជាឯកតោភាគីចំពោះស្ថានភាពបច្ចុប្បន្ន គឺការខុសច្បាប់និងមិនត្រឹមត្រូវ។ ហើយបញ្ហានេះគួរតែត្រូវបានដោះស្រាយដោយសន្តិវិធីតាមរយៈការសន្ទនា និងការពិគ្រោះយោបល់រវាងភាគីពាក់ព័ន្ធ”
កាលពីថ្ងៃទី៥ ខែសីហា ឆ្នាំមុន រដ្ឋាភិបាលឥណ្ឌាបានលុបចោលស្វ័យភាពរបស់តំបន់ដែលមានជនជាតិភាគតិចមូស្លីមតែមួយនេះ។ ទីក្រុងចាមមូ និងតំបន់កាស្មៀរ ក៏ត្រូវបានបំបែកទៅជាទឹកដីគ្រប់គ្រង ដោយសហព័ន្ធទាំងពីរផងដែរ។
ដំណាលគ្នានេះ ទីក្រុងញូវដែលីបានបិទតំបន់នោះ ដោយឃុំខ្លួនមនុស្សរាប់ពាន់នាក់រួមទាំងអ្នកនយោបាយកំពូលរាប់សិបនាក់ដែលដាក់ការរឹតត្បិតការផ្លាស់ទី និងបិទប្រព័ន្ធទំនាក់ទំនង។
តំបន់កាស្មៀរត្រូវបានកាន់កាប់ដោយប្រទេសឥណ្ឌា និងប៉ាគីស្ថាន ដោយការអះអាងទាំងពីរភាគី។ ហើយតំបន់តូចមួយនៃតំបន់នេះក៏ត្រូវបានគ្រប់គ្រងដោយប្រទេសចិនផងដែរ។
ចាប់តាំងពីពួកគេបានបែងចែក កាលពីឆ្នាំ១៩៤៧ ទីក្រុងញូវដេលី និងអ៊ីស្លាម៉ាបាដបានធ្វើសង្គ្រាមចំនួន៣លើក គឺនៅឆ្នាំ១៩៤៨, ១៩៦៥ និង១៩៧១ ដែល២លើកក្នុងចំណោមនោះបានកាន់កាប់លើដែនដីមានជម្លោះ។
ក្រុមខ្លះនៅកាស្មៀគ្រប់គ្រងដោយឥណ្ឌាបានប្រយុទ្ធប្រឆាំងនឹងការគ្រប់គ្រងរបស់ឥណ្ឌាដើម្បីឯករាជ្យភាព ឬបង្រួបបង្រួមជាមួយប្រទេសប៉ាគីស្ថានដែលនៅជិតខាង៕
អ្នកប្រែសម្រួល៖ ឱក សុវណ្ណារ័ត្ន
ប្រភពព័ត៌មានពី Anadolu Agency ចេញផ្សាយថ្ងៃទី៥ ខែសីហា ឆ្នាំ២០២០
