កាលពីព្រឹកវេលាម៉ោង០៧ និង០០នាទី (ម៉ោងនៅក្នុងស្រុក) មានហេតុការណ៍ផ្ទុះបានកើតឡើងនៅតំបន់ PD ១១ ស្ថិតក្នុងសង្កាត់ Khair Khana នៅភាគពាយព្យទីក្រុងកាបុ៊ល។ នៅក្នុងហេតុការណ៍ផ្ទុះរថយន្តនៅទីក្រុងកាបុ៊លនេះ បានសម្លាប់មនុស្សចំនួន០១នាក់ និងបណ្តាលឲ្យមនុស្សចំនួន០២នាក់ផ្សេងទៀតរងរបួស។
អ្នកនាំពាក្យប៉ូលិសទីក្រុងកាបុ៊ល លោក Ferdaus Faramarz និយាយថា មនុស្សម្នាក់ត្រូវបានសម្លាប់ និងចំនួន០២នាក់ផ្សេងទៀតរងរបួស ដោយសារមានហេតុការណ៍បំផ្ទុះមួយបានវាយប្រហារលើរថយន្តក្នុងក្រុងកាប៊ុលនៅថ្ងៃអង្គារនេះ។
ដោយពុំទាន់ផ្តល់ព័ត៌មានលម្អិតបន្ថែមទៀត មន្ត្រីរូបនោះបាននិយាយថា ការស៊ើបអង្កេតកំពុងដំណើរការ ហើយព័ត៌មានលម្អិតនឹងត្រូវបានផ្សព្វផ្សាយជាសាធារណៈ។
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ផ្សាយថ្ងៃទី១១ ខែសីហា ឆ្នាំ២០២០
