ក្រសួងមហាផ្ទៃបាននិយាយថាប៉ូលីសបេឡារុស្សបានឃុំខ្លួនក្រុមអ្នកតវ៉ាជាង ១,០០០ នាក់នៅយប់ទី ៣ នៃការតវ៉ានៅទីក្រុង Minskនិងទីក្រុងដទៃទៀតកាលពីថ្ងៃអង្គារនេះ។ ក្រសួងបានបន្ថែមនៅថ្ងៃពុធថាក្រុមអ្នកតវ៉ា ៥១ នាក់និងមន្ត្រីប៉ូលីស ១៤ នាក់បានរងរបួសក្នុងអំឡុងពេលបាតុកម្មមួយយប់នេះ។
ការតវ៉ាបានផ្ទុះឡើងបន្ទាប់ពីការបោះឆ្នោតបានប្រគល់អាណត្តិថ្មីដល់ប្រធានាធិបតី Alexander Lukashenko។ កាលពីថ្ងៃអង្គារទីភ្នាក់ងារអនុវត្តច្បាប់បេឡារុស្សបាននិយាយថាពួកគេបានឃុំខ្លួនមនុស្សជាង ២,០០០ នាក់ក្នុងពេលតវ៉ានេះ។ ក្រសួងសុខាភិបាលបាននិយាយនៅថ្ងៃដដែលនោះថាមនុស្សជាង ២០០ នាក់ដែលរងរបួសក្នុងពេលបាតុកម្មពេលយប់គឺស្ថិតនៅក្នុងមន្ទីរពេទ្យ៕
សម្រួល៖ សុផា
ប្រភព RT ចុះផ្សាយថ្ងៃទី ១២ ខែសីហា ឆ្នាំ ២០២០
