ក្រុមសកម្មប្រយុទ្ធ ISIS កាលពីថ្ងៃអង្គារនេះបានវាយប្រហារលើរថយន្តចំនួន ២ គ្រឿងនៅក្នុងខេត្ត Diyala និងបានធ្វើឲ្យជនស៊ីវិលយ៉ាងហោចណាស់៧នាក់រងរបួស។
អ្នកនាំពាក្យប៉ូលិសខេត្ត Diyala លោក Nihad Mohammad បានប្រាប់សារព័ត៌មាន BasNews ថារថយន្តស៊ីវិល២គ្រឿងដែលធ្វើដំណើរពីស្រុក Sharaban និង ស្រុក Baquba ត្រូវបានវាយប្រហារដោយក្រុមជីហាដ ISIS មួយក្រុមកាលពីល្ងាចថ្ងៃអង្គារ បណ្តាលឱ្យអ្នកដំណើរ៧នាក់រងរបួស។
ក្រុមសកម្មប្រយុទ្ធបានរត់គេចខ្លួនពីកន្លែងកើតហេតុភ្លាមៗបន្ទាប់ពីធ្វើការវាយប្រហារ ប៉ុន្តែកម្លាំងអ៊ីរ៉ាក់បានបើកប្រតិបត្តិការរុករកនៅតំបន់នោះដើម្បីស្វែងរកជនល្មើស។
អ្នកប្រែសម្រួល៖ គល់ សេងហាក់
ប្រភពព័ត៌មានពី baghdadpost ចេញផ្សាយថ្ងៃទី ១២ ខែសីហា ឆ្នាំ២០២០