ភ្នាក់ងារសារព័ត៌មានផ្លូវការរបស់ Fars រាយការណ៍នៅថ្ងៃពុធ ម្សិលមិញថា យ៉ាងហោចណាស់មនុស្សចំនួន៧០០នាក់បានរងរបួសក្នុងហេតុការណ៍ផ្ទុះនៅទីក្រុង Beirut ។ អ្នករងរបួសទាំងនោះបានទទួលសេវាវេជ្ជសាស្ត្រនៅមន្ទីរពេទ្យអ៊ីរ៉ង់។
លោក Mohammad Baqeri Mohammadi មន្ត្រីនៅសង្គមអឌ្ឍចន្ទក្រហមអ៊ីរ៉ង់ (IRCS) មានប្រសាសន៍នៅថ្ងៃពុធថា មន្ទីរពេទ្យអ៊ីរ៉ង់បង្កើតឡើងនៅទីក្រុង Beirut នៅថ្ងៃទី០៨ ខែសីហាទទួលព្យាបាលមនុស្សចំនួន៧០០នាក់ ដោយផ្តល់សេវាថែរទាំ និងព្យាបាល។
លោកបន្ថែមថា ប្រតិបត្ដិការវះកាត់មួយចំនួនធ្វើឡើងនៅក្នុងមន្ទីរពេទ្យ ដោយមានការខិតខំរបស់បុគ្គលិកពេទ្យដែលបញ្ជូនពីប្រទេសអ៊ីរ៉ង់មកទីក្រុង Beirut។ លោក IRim Karim Hemmati ប្រធាន IRCS មានប្រសាសន៍ថា រហូតមកដល់ពេលនេះប្រទេសអ៊ីរ៉ង់បានបញ្ជូនជំនួយចំនួន៩៥តោនទៅឱ្យក្រុង Beirut រួមមានទាំងសម្ភារៈវេជ្ជសាស្ត្រ និងគ្រឿងឧបភោគបរិភោគជាច្រើន។
លោកបន្ថែមថា ទំនិញចំនួន៦០តោនបន្ថែមនឹងត្រូវបញ្ជូនទៅប្រទេសលីបង់នាពេលខាងមុខឆាប់ៗនេះ។
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ផ្សាយថ្ងៃទី១២ ខែសីហា ឆ្នាំ២០២០
