សារព័ត៌មាន CGTN បានរាយការណ៌ថានាយករដ្ឋមន្ត្រីអ៊ីស្រាអែលលោក Benjamin Netanyahu បាននិយាយកាលពីថ្ងៃអាទិត្យនេះថាអ៊ីស្រាអែលបានបើកកិច្ចពិភាក្សាសម្ងាត់ជាមួយបណ្តាប្រទេសអារ៉ាប់មួយចំនួនដើម្បីធ្វើឱ្យទំនាក់ទំនងរបស់ពួកគេមានលក្ខណៈធម្មតា ដែលកិច្ចប្រជុំនេះបានធ្វើឡើងមុនមួយថ្ងៃនៃការហោះហើរពាណិជ្ជកម្មលើកដំបូងរបស់អ៊ីស្រាអែលទៅកាន់ប្រទេសអារ៉ាប់រួម។
លោក Netanyahu បានថ្លែងសុន្ទរកថារួមគ្នានៅក្រុងហ្សេរុយសាឡឹមជាមួយទីប្រឹក្សាជាន់ខ្ពស់របស់ប្រធានាធិបតីអាមេរិកដូណាល់ត្រាំគឺលោក Jared Kushner និងទីប្រឹក្សាសន្តិសុខជាតិលោក Robert O’Brien ។
លោក Netanyahu បានឱ្យដឹងទៀតថាមេដឹកនាំអារ៉ាប់ទាំងនេះបានទទួលស្គាល់ថាផលប្រយោជន៍ពិតប្រាកដរបស់ពួកគេគឺធ្វើយ៉ាងណាឱ្យមានទំនាក់ទំនងល្អជាប្រក្រតីភាពឡើងវិញជាមួយអ៊ីស្រាអែល។
អ្នកប្រែសម្រួល៖ គល់ សេងហាក់
ប្រភពព័ត៌មានពី baghdadpost ចេញផ្សាយថ្ងៃទី ៣១ ខែសីហា ឆ្នាំ២០២០
