នៅថ្ងៃពុធ ទី០២ ខែកញ្ញា ឆ្នាំ២០២០ យោធាចិនបានប្រឆាំងដាច់ខាតចំពោះរបាយការណ៍ដែលមានការភាន់ច្រឡំមួយថ្លែងដោយក្រសួងការពារជាតិសហរដ្ឋអាមេរិកស្តីពីយោធាចិនដោយមានសេចក្តីថា យោធាចិនសម្បូរផ្នត់គំនិតនៃហ្គេម zero-sum និងចិត្តគំនិតសង្គ្រាមត្រជាក់។
សេចក្តីថ្លែងការណ៍របស់ការិយាល័យព័ត៌មាននៃក្រសួងការពារជាតិចិនបានឆ្លើយតបទៅនឹងរបាយការណ៍របស់សហរដ្ឋអាមេរិក ដោយសេចក្តីថ្លែងការណ៍របស់ចិនបានច្រានចោលនូវអ្វីដែលគេហៅថា ការគម្រាមកំហែងខាងយោធាចិន និងបានបកស្រាយយ៉ាងត្រឹមត្រូវនូវគោលនយោបាយការពារជាតិ និងយុទ្ធសាស្ត្ររបស់យោធាចិន។
ការិយាល័យព័ត៌មាននៃក្រសួងការពារជាតិបញ្ជាក់ថា របាយការណ៍របស់សហរដ្ឋអាមេរិកបានបង្កាច់បង្ខូចការធ្វើទំនើបកម្មយោធា ការចំណាយយោធា និងគោលនយោបាយនុយក្លេអ៊ែររបស់ចិនធ្វើឱ្យមានភាពតានតឹងកាន់តែខ្លាំងឡើងនៅតាមបណ្តោយច្រកសមុទ្រតៃវ៉ាន់ និងបានបង្កើតការប្រឈមមុខដាក់គ្នាតាមច្រកឆ្លងកាត់សមុទ្រ។ ប្រភពដដែលបានសង្កត់ធ្ងន់ថាភាគីចិននឹងធ្វើការឆ្លើយតបបន្ថែមទៀតស្របតាមការប្រែប្រួលនៃស្ថានការណ៍។
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ផ្សាយថ្ងៃទី០២ ខែកញ្ញា ឆ្នាំ២០២០
