ក្រសួងមហាផ្ទៃនិយាយនៅថ្ងៃព្រហស្បតិ៍ ទី០៣ ម្សិលមិញនេះថា ប្រទេសតួកគីបានបើកប្រតិបត្តិការប្រឆាំងភេរវកម្មថ្មីមួយនៅភាគខាងកើតនៃទីក្រុង Mus និង Bingol និងនៅភាគអាគ្នេយ៍ទីក្រុង Diyarbakir។
ក្រសួងលើកឡើងនៅក្នុងសេចក្តីថ្លែងការណ៍ជាលាយលក្ខណ៍អក្សរថា ប្រតិបត្តិការនេះមានឈ្មោះថា “Operation Lightning-9” មានគោលបំណងដើម្បីលុបបំបាត់គណបក្សពលករឃឺដ (PKK) ដែលខុសច្បាប់ចេញពីតំបន់។ ក្រសួងសន្តិសុខបាននិយាយថា បុគ្គលិកសន្តិសុខសរុបចំនួន ១០២២នាក់ រួមទាំងកងកម្លាំងប្រតិបត្តិការពិសេស កងរាជអាវុធហត្ថប៉ូលិស និងកងកម្លាំងសន្តិសុខ កំពុងចូលរួមធ្វើប្រតិបត្តិការប្រឆាំងអំពើរភេរវកម្ម។
ប្រទេសតួកគីបានបើកដំណើរការ “Operation Lightning-8” នៅភាគអាគ្នេយ៍ទីក្រុង Mardin នៅថ្ងៃអង្គារ ដើមសប្តាហ៍នេះ។ ក្រសួងនិយាយថា យ៉ាងហោចណាស់ សមាជិក PKK ចំនួន៣៨នាក់ត្រូវសមត្ថកិច្ចសម្លាប់ សហការីចំនួន២២ត្រូវសមត្ថកិច្ចចាប់បាន និងមានសមាជិកចំនួន៨០នាក់តាំងលំនៅក្នុងរូងភ្នំ វត្ថុតាងត្រូវបានបំផ្លាញ ព្រមទាំងអាវុធយុទ្ធភ័ណ្ឌ និងអាវុធមួយចំនួនផ្សេងទៀតដែលគេបានរឹបអូសនៅក្នុងប្រតិបត្តិការនោះ។
កងកម្លាំងសន្តិសុខតួកគីធ្វើប្រតិបត្តិការប្រឆាំងភេរវកម្មជាប្រចាំនៅភាគខាងកើត និងភាគអាគ្នេយ៍នៃប្រទេសតួកគី។ “Operation Lightning-1” បានចាប់ផ្តើមនៅភាគអាគ្នេយ៍នៃទីក្រុង Sirnak នៅថ្ងៃទី១៤ ខែកក្កដា ឆ្នាំ២០២។
PKK ត្រូវប្រទេសតួកគី សហរដ្ឋអាមេរិក និងសហគមន៍អ៊ឺរ៉ុបចុះបញ្ជីជាអង្គការភេរវករ។ក្រុមនេះបានធ្វើការបះបោរប្រឆាំងនឹងរដ្ឋាភិបាលតួកគីអស់រយៈពេលជាងច្រើន៣០ឆ្នាំ និងបានសម្លាប់មនុស្សច្រើនជាង៤ម៉ឺននាក់។
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី០៣ ខែកញ្ញា ឆ្នាំ២០២០
