ប្រព័ន្ធផ្សព្វផ្សាយនៅក្នុងស្រុករាយការណ៍ថា នៅថ្ងៃចន្ទ ទី០៧ ម្សិលមិញនេះតុលាការបានកាត់ទោសជនសង្ស័យសំខាន់នៅក្នុងហេតុការណ៍បាញ់ប្រហារដ៏ធំមួយនៅក្នុងក្លឹបកម្សាន្តរាត្រីអ៊ីស្តង់ប៊ុលនៅថ្ងៃបុណ្យចូលឆ្នាំថ្មីឆ្នាំ២០១។
យោងតាមប្រភពភ្នាក់ងារសារព័ត៌មាន Anadolu ដែលគ្រប់គ្រងដោយរដ្ឋបានអោយដឹងថាលោក Abdulkadir Masharipov ជាជនជាតិអ៊ូសបេគីស្ថាន ត្រូវតុលាការកាត់ទោសឱ្យជាប់ពន្ធនាគារពីបទឃាតកម្មដោយចេតនានិងប៉ុនប៉ងផ្តួលរំលំរដ្ឋធម្មនុញ្ញ។ លោកត្រូវតុលាការកាត់ទោសអោយជាប់ពន្ធនាគាររយៈពេលសរុប១៣៦៨ឆ្នាំពីបទប៉ុនប៉ងធ្វើឃាតមនុស្សចំនួន ៧៩នាក់ ដោយពួកគេជាអ្នករងរបួសក្នុងការវាយប្រហារនោះ។
លោក Masharipov បានបាញ់សម្លាប់មនុស្សចំនួន៣៩នាក់នៅក្លឹបរាត្រី Reina នៅស្រុក Ortakoy នៅក្នុងទីក្រុងដែលមានមនុស្សចំនួនរាប់រយនាក់កំពុងប្រារព្ធពិធីចូលឆ្នាំថ្មីនៅដើមខែមករា ឆ្នាំ២០១៩។
ជនល្មើសត្រូវប៉ូលិសចាប់ខ្លួនបាននៅក្នុងប្រតិបត្តិការមួយនៅរយៈពេលពីរសប្តាហ៍ក្រោយពីមានការវាយប្រហារ ហើយអ្នកទោសបានសារភាពថា គាត់បានធ្វើសកម្មភាពក្នុងនាមជាសមាជិករដ្ឋអ៊ីស្លាម។
គួររំលឹកផងដែរថា ក្រុមឧទ្ទាម IS ត្រូវបានគេស្តីបន្ទោសចំពោះការវាយប្រហារប្រល័យជីវិតអស់រយៈពេលជាច្រើនឆ្នាំនៅក្នុងប្រទេសតួកគី ដោយក្នុងនោះមានមនុស្សច្រើនជាង៣០០នាក់ត្រូវពួកគេសម្លាប់។
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១៨ ខែកញ្ញា ឆ្នាំ២០២០
