នៅថ្ងៃអង្គារ ទី១៥ ខែកញ្ញា មន្ត្រីប៉ូលិសនិយាយថា ប៉ូលិសនៅក្នុងប្រទេសអាហ្វហ្គានីស្ថានចាប់ខ្លួនអ្នកជួញដូរគ្រឿងញៀនចំនួន៤៨នាក់ និងជនសង្ស័យឧក្រិដ្ឋជនចំនួន០៩នាក់។
មជ្ឈមណ្ឌលប្រឆាំងគ្រឿងញៀនអាហ្វហ្គានីស្ថាន (CNJC) និយាយនៅក្នុងសេចក្តីថ្លែងការណ៍មួយថា ប៉ូលិសប្រឆាំងគ្រឿងញៀននៃប្រទេសអាហ្វហ្គានីស្ថាន (CNPA) និងអង្គភាពសន្តិសុខស៊ើបអង្កេតបានចាប់ខ្លួនជនសង្ស័យចំនួន៤៨នាក់ដែលមានជាប់ពាក់ព័ន្ធនឹងករណីដឹកជញ្ជូនចំនួន៣១ករណីនិងករណីរក្សាទុកគ្រឿងញៀនពីខេត្តផ្សេងៗក្នុងរយៈពេលប្រាំពីរថ្ងៃកន្លងមកនេះ។
សេចក្តីថ្លែងការណ៍បន្ថែមថា កម្លាំង CNPA ដកហូតគ្រឿងញៀនមួយចំនួនពីជនសង្ស័យ។
ក្រោយពីមានការស៊ើបអង្កេតដំបូង កម្លាំង CNPA បានប្រគល់ករណីទាំងនេះទៅតុលាការមជ្ឈិមគ្រឿងញៀនឬ CNTដែលជាតុលាការពិសេសរបស់ប្រទេសអាហ្វហ្គានីស្ថានសម្រាប់យុត្តាធិការនៃករណីគ្រឿងញៀនសំខាន់។
ក្រសួងមហាផ្ទៃអាហ្វហ្គានីស្ថានបានបញ្ជាក់នៅព្រឹកថ្ងៃដដែលថា ប៉ូលិសជាតិអាហ្វហ្គានីស្ថាន (ANP) បានចាប់ខ្លួនបុរសសង្ស័យចំនួន០៩នាក់ពីបទជាប់ពាក់ព័ន្ធនឹងករណីព្រហ្មទណ្ឌនៅក្នុងខេត្ត Helmand ខេត្ត Paktika និងខេត្ត Kunduz ។
ក្រសួងបន្ថែមថា ការស៊ើបអង្កេតបន្ថែមកំពុងដំណើរការ។
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១៥ ខែតុលា ឆ្នាំ២០២០
